Pavlodar oblysynda internet-alaiaqtyq shemasyna qatysy bar degen kúdikpen 33 adam ustaldy. Olardyń arasynda úsh jasóspirim bar, dep habarlaidy ult.kz.
Tintý kezinde 120-dan astam mobildi qurylǵy, 500 SIM-karta, 39 bank kartasy jáne eki SIM-box qurylǵysy tárkilendi.
Politsiia málimetinshe, kúdiktiler azamattardyń aqshasyn zańsyz iemdený úshin aqparattyq tehnologiialardy paidalanyp, aldyn ala kelisilgen shema boiynsha áreket etken.
«Tergeý barysynda toǵyz jábirlenýshi anyqtaldy. Keltirilgen shyǵyn kólemi shamamen 40 million teńgeni quraidy», – dedi Pavlodar oblysy PD UQQKB bastyǵy Ǵabit Qabdrahmanov.
Sondai-aq SIM-kartalardy zańsyz iske qosýǵa jáne aqshany qolma-qol aqshaǵa ainaldyrýǵa qatysy bar adamdar ustalǵan. Qazir ár kúdiktiniń róli men basqa da qylmystarǵa qatysy tekserilip jatyr. Jábirlenýshiler sany artýy múmkin.
Aita keteiik, biyl óńirde internet-alaiaqtyqtyń 1 337 deregi tirkelgen. Bul ótken jylmen salystyrǵanda 31 paiyzǵa az.