Shyǵys Qazaqstan oblysynda zańsyz ken óndirip, alkogol saqtaǵan jáne úleskerlerdiń qarajatyn maqsatsyz paidalanǵandar anyqtaldy. Qylmystyq ister boiynsha memleketke keltirilgen zalal men zańsyz kiris kólemi milliard teńgeden asady, dep habarlaidy ult.kz.
Óńirlik kommýnikatsiialar qyzmetinde ótken brifingte Ekonomikalyq tergep-tekserý departamenti Tergeý basqarmasynyń basshysy Qýat Rahimbaev málimdeýinshe, tiisti litsenziiasyz ken óndirip, ony tasymaldaý jáne satý deregi boiynsha qylmystyq is sotqa joldandy.
Qylmystyq jolmen alynǵan qarajatqa satyp alynǵan múlik memleket kirisine tárkilenip, 1,053 mlrd teńge zalaldy óndirý týraly talap qanaǵattandyryldy.
Óskemende zańsyz alkogol óndirip, saqtaýǵa paidalanylǵan tórt qoima anyqtaldy. Sot sheshimimen múlikti tárkileý týraly sheshim qabyldandy.
Al úleskerlerdiń aqshasyn maqsatsyz paidalanǵan qurylys kompaniialaryna qatysty is sotqa jiberildi. Bul is boiynsha qylmystyq jolmen alynǵan kiris kólemi 1,2 mlrd teńgeni quraǵan.
Sonymen qatar internettegi zańsyz oiyn biznesine qarsy sharalar júrgizilýde. 2025 jyly onlain-kazino men qumar oiyndarǵa qatysty 667 silteme buǵattaýǵa jiberilip, onyń 612-si shektelgen. 2026 jyldyń basynan beri joldanǵan 155 siltemeniń 124-i buǵattaldy.
Budan bólek, qarjy piramidalary men zańsyz kriptoaiyrbastaý pýnktteriniń belgileri bar 300-den astam saittyń jumysy toqtatyldy.