Қазақстан Тәуелсіздігіне 25 жыл

«Samuryq-Qazyna» qorynyń taǵy bir qyzmetkeri tergeýge alyndy

«Samuryq-Qazyna» qorynyń taǵy bir qyzmetkeri tergeýge alyndy
Foto: Samrýk-Qazyna

«Samuryq-Qazyna» ulttyq ál-aýqat qorynyń taǵy bir qyzmetkeri ustaldy. Qor ókilderi oǵan qatysty tergeý amaldary júrgizilip jatqanyn rastady, dep habarlaidy ult.kz Nur.kz saityna silteme jasap.

Qordyń baspasóz qyzmetiniń málimetinshe, ustalǵan qyzmetker qor departamentteriniń birinde jumys istegen. Onyń ustalýyna burynǵy eńbek qyzmetine qatysty mán-jailar sebep bolǵan. Bul jaǵdai qazirgi laýazymdyq mindetterin oryndaýyna bailanysty emes.

«„Samuryq-Qazyna“ AQ-nyń qolda bar aqparatyna sáikes, qor departamentteriniń biriniń qyzmetkerin ustaý onyń burynǵy eńbek qyzmetine qatysty mán-jailarmen bailanysty jáne qazirgi qyzmettik mindetterin atqarýyna qatysy joq. Qazirgi ýaqytta ýákiletti organdar tiisti tergeý amaldaryn júrgizip jatyr», – delingen qor habarlamasynda.

Eske salaiyq, 12 qarashada Ulttyq qaýipsizdik komiteti «Samuryq-Qazyna» qorynyń burynǵy basqarma tóraǵasy Nurlan Jaqupov pen «Qazaqstan temir joly» kompaniiasynyń basshysy Eljas Otynyshevtiń ustalǵanyn habarlaǵan bolatyn.

Keiin sot olardyń qamaýǵa alynýyna sanktsiia berdi.

Osy oqiǵadan keiin qor ókilderi «Samuryq-Qazyna» men oǵan qarasty kompaniialardyń shtattyq rejimde jumys istep jatqanyn málimdedi. Sondai-aq Premer-ministr Oljas Bektenov qor basshylyǵynyń ustalýyna qatysty pikir bildirgen edi.