Қазақстан Тәуелсіздігіне 25 жыл

«Bizneske aqsha sal, baiyp ketesiń»: Jambylda áiel 715 mln teńgeni iemdengen

«Bizneske aqsha sal, baiyp ketesiń»: Jambylda áiel 715 mln teńgeni iemdengen
teisinespaslaugos.info

Jambyl oblysynda turǵyndardy bizneske investitsiia salýǵa úgittep, júzdegen million teńgeni iemdengen áiel ustaldy. Tergeý dereginshe, zańsyz ainalymǵa túsken qarajat kólemi 715,9 mln teńgeden asqan, dep habarlaidy ult.kz.

Oblystyq politsiia departamentiniń málimetinshe, kúdikti azamattarǵa mol tabys tabýǵa ýáde berip, olardyń senimine kirgen.

Alǵashqy aryz Shymkent qalasynda turatyn 71 jastaǵy áielden túsken. Ol kúdiktige bizneske investitsiia salý maqsatynda 8 mln teńgesin bergen. Alaida ýáde etilgen tabysqa qol jetkize almaǵan.

Keiin Jýaly aýdandyq politsiia bólimine osyndai jaǵdaiǵa tap bolǵan birneshe turǵyn shaǵymdanǵan. Olardyń aitýynsha, kúdikti dál osy tásilmen aqshalaryn iemdengen.

Tergeý barysynda basqa adamnyń atyna jeke kásipkerlik tirkelip, ekinshi deńgeili banktiń mobildi qosymshasy arqyly 715,9 mln teńgeden astam qarajattyń zańsyz qolma-qol aqshaǵa ainaldyrylǵany anyqtaldy.

Qazir atalǵan derek boiynsha Qylmystyq kodekstiń 190-babynyń 3 jáne 4-bólikteri (alaiaqtyq) boiynsha sotqa deiingi tergeý júrgizilip jatyr. Kúdikti qamaýǵa alynǵan.

Politsiia onyń áreketinen zardap shekken ózge azamattardy anyqtap jatyr.