Қазақстан Тәуелсіздігіне 25 жыл

Temirtaýda áielin óltirdi degen kúdikti ony eriktilermen birge izdegen

Temirtaýda áielin óltirdi degen kúdikti ony eriktilermen birge izdegen
videodan skrinshot

Temirtaýda eki aiǵa jýyq ýaqyt izdeýde bolǵan 38 jastaǵy Irina Kernniń bólshektelgen denesi tabyldy. Qazir marqumdy jerleýge daiyndyq júrip jatyr. Qaiǵyly oqiǵanyń mán-jaiyn onyń týystary KTK arnasyna aityp bergen, dep habarlaidy ult.kz.

Temirtaý turǵyny 20 qyrkúiekte iz-túzsiz joǵalyp ketken. Ony izdeýge týystary, eriktiler men áskeri qyzmetkerler jumyldyrylǵan. Áieldi izdeýge onyń 40 jastaǵy birge turatyn jigiti de belsendi qatysqan. Alaida keiin ol adam óltirdi degen kúdikke ilindi.

Kúdikti qaladaǵy shipajailardyń birinde ot jaǵýshy bolyp jumys istegen. Marqumnyń bólshektelgen denesi dál osy shipajai aýmaǵyndaǵy kólden tabylǵan. Keiin er adam ustaldy.

Irinanyń artynda úsh balasy qaldy. Onyń bireýi kúdiktiden týǵan úsh jasar bala. Marqumnyń ápkesi Anastasiia Dýhova jienderine qamqorshylyq rásimdeýge sheshim qabyldaǵan.

Anastasiianyń da óziniń úsh balasy bar. Onyń ústine, osydan bir apta buryn ǵana kúieýin jerlegen. Soǵan qaramastan, jienderin qaraýsyz qaldyrǵysy kelmegen. Marqumnyń týystary kúdiktiniń zań aldynda barynsha qatań jazaǵa tartylýyn talap etpek.

«Ol Irinany shamamen jarty saǵat boiy urǵan. Keiin máiitin qorlaǵan. Ony kólikpen aparyp, kólge, sýǵa jasyrǵan. Men odan izdeýge kómektesýin, qaida ekenin kórsetýin suradym. Ol izdeý jumystaryna ózi de qatysty, biraq ólimine qatysy baryn moiyndamady. Osylaisha tergeýdi jańylystyryp, Irina óz erkimen ketip qaldy dep sendirdi», – dedi marqumnyń ápkesi.