Қазақстан Тәуелсіздігіне 25 жыл

109 mln teńgeni kompaniia shottarynan aýdarǵan bas býhgalter 7 jylǵa sottaldy

109 mln teńgeni kompaniia shottarynan aýdarǵan bas býhgalter 7 jylǵa sottaldy
ashyq derekkóz

Astanada eki kompaniianyń 109 mln teńgeden astam qarajatyn jymqyrǵan burynǵy bas býhgalterge sot úkimi shyqty. Ol 7 jylǵa bas bostandyǵynan aiyryldy, dep habarlaidy ult.kz.

Astana qalasynyń qylmystyq ister jónindegi aýdanaralyq sotynyń málimetinshe, sottalýshy 2019-2023 jyldary bir azamatqa tiesili eki jaýapkershiligi shekteýli seriktestikte áýeli býhgalter, keiin bas býhgalter bolyp jumys istegen.

Qyzmettik múmkindigin paidalanǵan ol kompaniialardyń bank shottaryna qol jetkizip, qarjylyq operatsiialardy óz betinshe júrgizgen.

Sot materialdaryna sáikes, áiel tiisti kelisimsharttar jasamai jáne aýdarymdardy býhgalterlik esepte kórsetpei, kompaniialardyń shottarynan óz esepshotyna, sondai-aq ózi baqylaýyndaǵy jeke kásipkerlerdiń shottaryna júieli túrde aqsha aýdaryp otyrǵan.

Onyń áreketinen eki kompaniiaǵa 109 mln teńgeden astam materialdyq shyǵyn kelgen. Alaida keltirilgen zalal osy ýaqytqa deiin ótelmegen.

Sot úkim shyǵarǵanda aiyptalýshynyń eki kámeletke tolmaǵan balasy baryn jeńildetetin mán-jai retinde eskergen. Nátijesinde oǵan 7 jylǵa bas bostandyǵynan aiyrý jazasy taǵaiyndalyp, kommertsiialyq jáne memlekettik uiymdarda materialdyq jaýapty laýazymdardy atqarý quqyǵynan 10 jylǵa aiyryldy.

Alaida asyraýyndaǵy balalarynyń 2013 jáne 2014 jyly týǵanyn eskergen sot Qylmystyq kodekstiń 74-babyna sáikes jazany óteýdi bir jylǵa keiinge qaldyrdy.

Sonymen qatar jábirlenýshi kompaniialardyń azamattyq talaptary qanaǵattandyryldy. Sot úkimi ázirge zańdy kúshine engen joq.