Shyǵys Qazaqstan oblysynda 17 jastaǵy oqýshy sabaq kezinde synyp jetekshisin bylapyt sózdermen balaǵattaǵany úshin 30 275 teńge aiyppul tóleýge mindetteldi, dep habarlaidy ult.kz.
ShQO sottarynyń baspasóz qyzmetiniń málimetinshe, oqiǵa 2026 jylǵy 19 qazanda Marqakól aýdanynda bolǵan.
Sot anyqtaǵandai, jasóspirim synyptastarynyń kózinshe synyp jetekshisin ádepsiz sózdermen qorlap, qoǵamdyq tártipti buzǵan.
Onyń áreketi Ákimshilik quqyq buzýshylyq týraly kodekstiń 434-babynyń 1-bóligi (usaq buzaqylyq) boiynsha saralanǵan.
Sot otyrysynda oqýshy óz kinásin moiyndap, jasaǵan áreketine ókinetinin bildirgen ári muǵalimnen keshirim suraǵan.
Jaza taǵaiyndaý kezinde sot jasóspirimniń jasyn, kinásin moiyndaǵanyn, ókingenin jáne kámeletke tolmaǵandarǵa ákimshilik jaza qoldaný erekshelikterin eskergen.
Nátijesinde oqýshyǵa 30 275 teńge kóleminde aiyppul salyndy.