Қазақстан Тәуелсіздігіне 25 жыл

Qonaevta 11 jastaǵy oqýshy mekteptiń úshinshi qabatynan qulap, kóz jumdy

Qonaevta 11 jastaǵy oqýshy mekteptiń úshinshi qabatynan qulap, kóz jumdy
Almaty.tv

Qonaev qalasyndaǵy mektep-gimnaziiada 11 jastaǵy oqýshy qaiǵyly oqiǵadan keiin aýrýhanada kóz jumdy. Bala mekteptegi úzilis kezinde baspaldaqtan qulap, aýyr jaraqat alǵan, dep habarlaidy ult.kz.

Almaty oblysynyń bilim basqarmasy áleýmettik jeliler men buqaralyq aqparat quraldarynda taraǵan aqparatty rastady. Vedomstvo málimetinshe, oqys oqiǵa 16 qarasha kúni saǵat 13:18 shamasynda bolǵan.

Aldyn ala málimet boiynsha, oqýshy mektep ǵimaratynyń úshinshi qabatyndaǵy baspaldaqpen syrǵanamaq bolǵan. Alaida tepe-teńdigin joǵaltyp, qulap ketken. Saldarynan basynan aýyr jaraqat alǵan.

Oqiǵa ornyna jedel járdem shaqyrylyp, bala shuǵyl túrde aýrýhanaǵa jetkizilgen. Dárigerler eki táýlik boiy onyń ómirin saqtap qalýǵa kúsh salǵan.

"17 qarasha kúni balanyń jaǵdaiyna bailanysty shuǵyl operatsiia jasaldy. Alaida meditsina mamandarynyń barlyq kúsh-jigerine jáne júrgizilgen reanimatsiialyq sharalarǵa qaramastan, 18 qarasha kúni saǵat 10:00-de balanyń qaitys bolǵany tirkeldi", dep habarlady oblystyq bilim basqarmasy.

Vedomstvo ókilderi qaiǵyly oqiǵaǵa bailanysty balanyń otbasyna kóńil aityp, jaqyndaryna qaiǵyra ortaqtasty.