Қазақстан Тәуелсіздігіне 25 жыл

Balqashta 13 jáne 15 jastaǵy qyzdarǵa zorlyq kórsetti degen kúdikpen birneshe adam ustaldy

Balqashta 13 jáne 15 jastaǵy qyzdarǵa zorlyq kórsetti degen kúdikpen birneshe adam ustaldy
Ashyq derekkóz

Balqashta kámeletke tolmaǵan eki qyzǵa qatysty zorlyq-zombylyq jasady degen kúdikpen birneshe er adam qamaýǵa alyndy. Oqiǵaǵa bailanysty qylmystyq is qozǵaldy, dep habarlaidy ult.kz.

55 jastaǵy qala turǵyny politsiiaǵa aryzdanyp, eki qaryndasyna qatysty quqyqqa qaishy áreketter jasalǵanyn habarlaǵan.

Jábirlenýshilerdiń týysynyń aitýynsha, oqiǵa jaz mezgilinde bolǵan. Birneshe jigit 13 jáne 15 jastaǵy qyzdardy uryp-soǵyp, qoldaryn temekimen kúidirgen. Sondai-aq olardy ishimdik ishýge májbúrlep, intimdik qyzmet kórsetýge itermelegen.

Buǵan deiin qyzdardyń týysy áleýmettik jelide bolǵan jaǵdai týraly video jariialap, oqiǵanyń mán-jaiyn baiandaǵan.

Qaraǵandy oblysynyń politsiia departamenti atalǵan derek boiynsha qylmystyq is qozǵalǵanyn málimdedi. Jedel-izdestirý sharalary barysynda kúdiktiler anyqtalyp, ustalǵan.

«Aldyn ala málimet boiynsha, quqyqqa qaishy áreketter ártúrli ýaqytta jáne ár jerde jasalǵan. Ustalǵandardyń barlyǵy ýaqytsha ustaý izoliatoryna qamaldy», – dep habarlady politsiia.

Qazir oqiǵanyń barlyq mán-jaiyn anyqtaý úshin sotqa deiingi tergep-tekserý júrgizilip jatyr.