Qostanai oblysynyń Qamysty aýdanyndaǵy mektepterdiń birinde oqýshyǵa qatysty zorlyq deregi boiynsha qylmystyq is qozǵaldy. Basty kúdikke altynshy synypta oqityn eki jasóspirim ilikken, dep habarlaidy ult.kz.
Politsiia málimetinshe, oqiǵa 16 qarashada bolǵan. Qazir istiń mán-jaiy anyqtalyp jatyr. Tergeý múddesine bailanysty ózge aqparat jariialanbaidy.
«NeMolchi.kz» qorynyń habarlaýynsha, oqiǵaǵa joǵary synyp oqýshysy kýá bolyp, bul týraly zardap shekken balanyń aǵasyna aitqan. Keiin mektep direktory politsiiaǵa habarlasyp, balanyń anasy aryz jazǵan.
Oqiǵaǵa qatysty Bala quqyqtary jónindegi ýákil Nesibeli Basenova da pikir bildirdi. Onyń aitýynsha, balanyń anasy kómek surap, ózine júgingen. Qazir jaǵdai ýákildiń baqylaýynda.
Sondai-aq balanyń anasyna qysym kórsetilýi múmkin degen aqparat tekserilip jatyr. Al kámeletke tolmaǵandardy tárbieleý mindetin tiisinshe oryndamaǵany úshin ata-analarǵa ÁQBtK-niń 127-baby boiynsha ákimshilik hattamalar toltyrylǵan.