Qyzylorda oblysynyń Shieli aýdanynda mal urlyǵy úshin sottalǵan azamat probatsiialyq baqylaý talaptaryn birneshe ret buzǵany úshin bas bostandyǵynan aiyryldy. Ol elektrondy bilezigin ádeii kesip, sot júktegen mindetterdi oryndaýdan jaltarǵan, dep habarlaidy ult.kz.
Polisia.kz málimetinshe, azamat mal urlyǵy qylmysyn jasaǵany úshin 3 jylǵa bas bostandyǵyn shekteý jazasyna kesilip, probatsiialyq baqylaýǵa alynǵan.
Alaida ol jazany óteý tártibi men zań talaptary birneshe ret túsindirilgenine qaramastan, tártipke baǵynbaǵan. Atap aitqanda, elektrondy baqylaý bilezigin ádeii kesip, búldirgen. Sondai-aq túngi ýaqytta turǵylyqty mekenjaiynda bolmaǵan.
Zań buzýshylyqtary úshin oǵan tórt ret eskertý berilgen. Biraq azamat odan sabaq almai, probatsiialyq baqylaý talaptaryn buzýdy jalǵastyrǵan.
Osyǵan bailanysty Shieli aýdandyq probatsiia qyzmeti sotqa jazanyń ótelmegen bóligin bas bostandyǵynan aiyrý jazasyna aýystyrý týraly usynys engizgen.
Sot qaýlysymen jazanyń ótelmegen 1 jyl 2 ai merzimi túrmede óteýge aýystyryldy. Azamat sot zalynda qamaýǵa alyndy.
Probatsiialyq baqylaý talaptaryn qasaqana buzý zańda kózdelgen jaýaptylyqqa ákep soǵady.