قىزىلوردا وبلىسىنىڭ شيەلٸ اۋدانىندا مال ۇرلىعى ٷشٸن سوتتالعان ازامات پروباتسييالىق باقىلاۋ تالاپتارىن بٸرنەشە رەت بۇزعانى ٷشٸن باس بوستاندىعىنان ايىرىلدى. ول ەلەكتروندى بٸلەزٸگٸن ەدەيٸ كەسٸپ, سوت جٷكتەگەن مٸندەتتەردٸ ورىنداۋدان جالتارعان, دەپ حابارلايدى ult.kz.
Polisia.kz مەلٸمەتٸنشە, ازامات مال ۇرلىعى قىلمىسىن جاساعانى ٷشٸن 3 جىلعا باس بوستاندىعىن شەكتەۋ جازاسىنا كەسٸلٸپ, پروباتسييالىق باقىلاۋعا الىنعان.
الايدا ول جازانى ٶتەۋ تەرتٸبٸ مەن زاڭ تالاپتارى بٸرنەشە رەت تٷسٸندٸرٸلگەنٸنە قاراماستان, تەرتٸپكە باعىنباعان. اتاپ ايتقاندا, ەلەكتروندى باقىلاۋ بٸلەزٸگٸن ەدەيٸ كەسٸپ, بٷلدٸرگەن. سونداي-اق تٷنگٸ ۋاقىتتا تۇرعىلىقتى مەكەنجايىندا بولماعان.
زاڭ بۇزۋشىلىقتارى ٷشٸن وعان تٶرت رەت ەسكەرتۋ بەرٸلگەن. بٸراق ازامات ودان ساباق الماي, پروباتسييالىق باقىلاۋ تالاپتارىن بۇزۋدى جالعاستىرعان.
وسىعان بايلانىستى شيەلٸ اۋداندىق پروباتسييا قىزمەتٸ سوتقا جازانىڭ ٶتەلمەگەن بٶلٸگٸن باس بوستاندىعىنان ايىرۋ جازاسىنا اۋىستىرۋ تۋرالى ۇسىنىس ەنگٸزگەن.
سوت قاۋلىسىمەن جازانىڭ ٶتەلمەگەن 1 جىل 2 اي مەرزٸمٸ تٷرمەدە ٶتەۋگە اۋىستىرىلدى. ازامات سوت زالىندا قاماۋعا الىندى.
پروباتسييالىق باقىلاۋ تالاپتارىن قاساقانا بۇزۋ زاڭدا كٶزدەلگەن جاۋاپتىلىققا ەكەپ سوعادى.