Aqtóbede óz úiinde atyp óltirilgen kásipkerdiń «Helios» janarmai quiý beketteri jelisiniń jergilikti filialyn basqarǵan Aibolat Jisov ekeni belgili boldy. Kompaniia ujymynan marqumnyń otbasy men jaqyndaryna kóńil aitý jariialandy, dep habarlaidy ult.kz HALYQSTAN Telegram arnasyna silteme jasap.
Buǵan deiin kásipkerdiń aty-jóni men qyzmetine qatysty aqparat boljam retinde aitylyp kelgen. Búgin «Helios» kompaniiasynyń ujymy Aqtóbe filialynyń direktory Aibolat Jisovtiń qaitys bolýyna bailanysty kóńil aitty.
«Onyń óz isine adaldyǵy, ómirge qushtarlyǵy jáne adamdarǵa degen shynaiy qarym-qatynasy áriptesteriniń zor qurmetine bólendi. Onyń ómirden ótýi – Helios ujymy úshin úlken qaza. Ol týraly jarqyn estelik júregimizde máńgi saqtalady», – delingen kompaniianyń kóńil aitý habarlamasynda.
Eske salaiyq, kásipker dúisenbi kúni tańerteń óz úiinde atys qarýynan alǵan jaraqatynan kóz jumǵan. Aldyn ala málimet boiynsha, úiine betperde kigen adam basyp kirgen.
Osy qylmysqa kúdikti sársenbi kúni ustaldy. Ol kásipkerdiń kórshisi bolýy múmkin degen aqparat tarady.