Қазақстан Тәуелсіздігіне 25 жыл

Atyraý oblysynda balany urǵan tárbieshige qatysty qylmystyq is qozǵaldy

Atyraý oblysynda balany urǵan tárbieshige qatysty qylmystyq is qozǵaldy
videodan skrinshot

Atyraý oblysynyń Inderbor kentindegi «Baldáýren» balabaqshasynda tárbieshiniń búldirshindi urýyna bailanysty qylmystyq is qozǵaldy. Qazir politsiia oqiǵanyń mán-jaiyn anyqtap jatyr, dep habarlaidy ult.kz.

Oqiǵa balalardyń biriniń týǵan kúnin atap ótý kezinde bolǵan. Áleýmettik jelide taraǵan videoda tárbieshiniń balalarǵa dóreki sóilep, búldirshinderdiń birin arqasynan shapalaqpen urǵany kórinedi. Sol kúni eki jasqa tolǵan Ulan esimdi balanyń týǵan kúni toilanǵan.

Atyraý oblystyq bilim basqarmasynyń málimetinshe, zańbuzýshylyqty áleýmettik jelilerge monitoring júrgizgen Inder aýdanynyń prokýratýrasy anyqtaǵan.

«„Kúnshýaq“ tobyndaǵy kámeletke tolmaǵan tárbielenýshige tárbieshiniń kúsh qoldaný faktisi anyqtaldy. Bul derek protsessýaldyq sheshim qabyldaý úshin Inder aýdandyq politsiia bólimine joldandy», – dep habarlady vedomstvo.

Oblystyq politsiia departamenti qylmystyq is qozǵalǵanyn rastady. Qazir balabaqshadaǵy beinebaqylaý kameralarynyń jazbalary zerttelip, tergeý amaldary júrgizilip jatyr.

Politsiia tergeý múddesine bailanysty ózge aqparatty jariialaýǵa bolmaitynyn málimdedi.