Қазақстан Тәуелсіздігіне 25 жыл

Meksikanyń Gvadalahara qalasynda Dimashty 100-den astam jankúieri dástúrli mýzykamen qarsy aldy

Meksikanyń Gvadalahara qalasynda Dimashty 100-den astam jankúieri dástúrli mýzykamen qarsy aldy
Dimashnews.com

15 qarashada Meksikanyń Gvadalahara qalasyndaǵy áýejaida Dimash Qudaibergendi 100-den astam jankúieri kútip aldy. Qazaqstandyq ánshi qalaǵa DIMENSIONS álemdik týry aiasynda barǵan. Ony jankúierleri dástúrli meksikalyq áýenmen qarsy aldy, dep habarlaidy ult.kz.

Áýejaidaǵy kezdesýde jankúierler ánshini qoshemetpen qarsy alyp, meksikalyq jáne qazaq mádenietin ushtastyrǵan mýzykalyq baǵdarlama uiymdastyrdy.

Merekelik kóńil kúidi Mariachi Nungaray mýzykalyq ansambli qalyptastyrdy. Mýzykanttar Historia de un Amor, Bésame Mucho, Cielito Lindo siiaqty tanymal shyǵarmalardy oryndady.

Sondai-aq Dimashtyń on jyldan astam ýaqyt buryn jazylǵan «Umytylmas kún» áni de meksikalyq mýzykalyq aspaptardyń súiemeldeýimen shyrqaldy. Ony Andjelo esimdi jankúier ansamblmen birge oryndaǵan.

Osylaisha, qazaq ánshisiniń shyǵarmasy meksikalyq mýzykalyq dástúrmen úndesip, erekshe formatta oryndaldy.

Aita keteiik, Dimash buǵan deiin Merida men Monterrei qalalarynda kontsert bergen. Al 17 qarashada Gvadalaharada DIMENSIONS shoýyn usynady.