15 قاراشادا مەكسيكانىڭ گۆادالاحارا قالاسىنداعى ەۋەجايدا ديماش قۇدايبەرگەندٸ 100-دەن استام جانكٷيەرٸ كٷتٸپ الدى. قازاقستاندىق ەنشٸ قالاعا DIMENSIONS ەلەمدٸك تۋرى اياسىندا بارعان. ونى جانكٷيەرلەرٸ دەستٷرلٸ مەكسيكالىق ەۋەنمەن قارسى الدى, دەپ حابارلايدى ult.kz.
ەۋەجايداعى كەزدەسۋدە جانكٷيەرلەر ەنشٸنٸ قوشەمەتپەن قارسى الىپ, مەكسيكالىق جەنە قازاق مەدەنيەتٸن ۇشتاستىرعان مۋزىكالىق باعدارلاما ۇيىمداستىردى.
مەرەكەلٸك كٶڭٸل كٷيدٸ Mariachi Nungaray مۋزىكالىق انسامبلٸ قالىپتاستىردى. مۋزىكانتتار Historia de un Amor, Bésame Mucho, Cielito Lindo سيياقتى تانىمال شىعارمالاردى ورىندادى.
سونداي-اق ديماشتىڭ ون جىلدان استام ۋاقىت بۇرىن جازىلعان «ۇمىتىلماس كٷن» ەنٸ دە مەكسيكالىق مۋزىكالىق اسپاپتاردىڭ سٷيەمەلدەۋٸمەن شىرقالدى. ونى اندجەلو ەسٸمدٸ جانكٷيەر انسامبلمەن بٸرگە ورىنداعان.
وسىلايشا, قازاق ەنشٸسٸنٸڭ شىعارماسى مەكسيكالىق مۋزىكالىق دەستٷرمەن ٷندەسٸپ, ەرەكشە فورماتتا ورىندالدى.
ايتا كەتەيٸك, ديماش بۇعان دەيٸن مەريدا مەن مونتەررەي قالالارىندا كونتسەرت بەرگەن. ال 17 قاراشادا گۆادالاحارادا DIMENSIONS شوۋىن ۇسىنادى.