Astana–Taraz baǵytyndaǵy áýe reisi kezinde Densaýlyq saqtaý vitse-ministri Manas Ramazanovtyń kómegimen jaǵdaiy kúrt nasharlaǵan jolaýshyǵa meditsinalyq kómek kórsetildi, dep habarlaidy ult.kz.
Ushý barysynda 38 jastaǵy Resei azamatynyń densaýlyǵy kenetten nasharlaǵan. Áieldiń álsizdigi kúsheiip, júregi ainyp, qan qysymy kóterilip, tynys alýy qiyndaǵan.
Ushaq bortynda basqa meditsina qyzmetkeri bolmaǵandyqtan, bilikti dáriger Manas Ramazanov birden kómekke kirisken. Ol jolaýshynyń qan qysymyn ólshep, jaǵdaiyn baǵalap, qajetti meditsinalyq kómek kórsetken.
Nátijesinde áieldiń jaǵdaiy jaqsaryp, esin jiǵan.
Sonymen qatar vitse-ministr Taraz áýejaiyna jedel járdem brigadasyn shaqyrtqan. Ushaq qonǵan soń jolaýshy meditsina qyzmetkerlerine tapsyrylyp, ári qarai tiisti kómek alýyna jaǵdai jasalǵan.
