Қазақстан Тәуелсіздігіне 25 жыл

Toqaev: Jeti jyldyń ishinde altyn-valiýta rezervi men ulttyq qor aktivteri 44 paiyzǵa ulǵaidy

Toqaev: Jeti jyldyń ishinde altyn-valiýta rezervi men ulttyq qor aktivteri 44 paiyzǵa ulǵaidy
Aqorda

Halyqaralyq valiýta qorynyń boljamyna sáikes, 2026 jyly Qazaqstannyń jalpy ishki ónimi 398 mlrd dollarǵa jetedi. III Strategiialyq seriktester forýmynda sóilegen sózinde Prezident Qasym-Jomart Toqaev sońǵy jeti jylda el ekonomikasynyń aitarlyqtai óskenin atap ótti. Onyń aitýynsha, 2019 jyly JIÓ kólemi shamamen 181 mlrd dollar bolǵan, dep habarlaidy ult.kz.

Memleket basshysy osy kezeńde ekonomikaǵa tartylǵan sheteldik investitsiia, syrtqy saýda ainalymy men eldiń qarjy rezervteriniń óskenine de toqtaldy.

«2019 jyldan beri ekonomikamyzǵa 155 milliard dollar shetel investitsiiasy tartyldy. Elimizdiń syrtqy saýda kólemi 150 milliard dollarǵa jýyqtady. Altyn-valiýta rezervi men Ulttyq qor aktivteriniń kólemi 44 paiyzǵa ulǵaiyp, 129 milliard dollardan asty», – dedi Qasym-Jomart Toqaev.

Sondai-aq Prezident «Ulttyq qor – balalarǵa» baǵdarlamasynyń nátijelerin atap ótti. Onyń málimetinshe, baǵdarlama aiasynda 7 millionnan astam balanyń jeke esepshotyna jalpy somasy 2,5 mlrd dollar aýdarylǵan.

Memleket basshysy bul bastamany búgingi býynnyń óskeleń urpaqtyń jarqyn ári qaýipsiz bolashaǵyna qosqan úlesi retinde baǵalady.