Қазақстан Тәуелсіздігіне 25 жыл

Muhtar Áýezov atyndaǵy Ońtústik Qazaqstan ýniversitetine ulttyq mártebe berý týraly sheshim qabyldandy

Muhtar Áýezov atyndaǵy Ońtústik Qazaqstan ýniversitetine ulttyq mártebe berý týraly sheshim qabyldandy
Aqorda

Qazaqstan Prezidenti Qasym-Jomart Toqaev III Strategiialyq seriktester forýmynda Shymkent qalasyn ońtústik óńirdegi iri ǵylym jáne bilim ortalyǵyna ainaldyrý josparymen bólisti. Osy maqsatta Muhtar Áýezov atyndaǵy Ońtústik Qazaqstan ýniversitetine ulttyq mártebe berý týraly sheshim qabyldaǵanyn málimdedi, dep habarlaidy ult.kz.

Memleket basshysynyń aitýynsha, búginde Astana men Almaty elimizdiń ziiatkerlik, ǵylymi jáne mádeni ortalyqtary sanalady. Al endigi kezekte Shymkenttiń osy baǵyttaǵy áleýetin arttyrý kózdelip otyr.

Prezident bul baǵytta birqatar naqty qadam jasalǵanyn atap ótti. Atap aitqanda, qalada Arizona shtaty ýniversitetiniń bilim berý baǵdarlamasy júzege asyrylyp jatyr. Sonymen qatar Túrkiianyń Gazi ýniversitetiniń filialy ashylǵan.

«Men halqymyzdyń zańǵar jazýshysy Muhtar Áýezov atyndaǵy Ońtústik Qazaqstan ýniversitetine ulttyq mártebe berý týraly sheshim qabyldadym», – dedi Qasym-Jomart Toqaev.

Prezidenttiń sózinshe, Áýezov ýniversiteti – aimaqtaǵy eń iri joǵary oqý orny. Qaladaǵy árbir besinshi stýdent osy bilim ordasynda oqidy.

Memleket basshysy ulttyq mártebe ýniversitetpen qatar, oǵan jaýapty ministrlikke de úlken jaýapkershilik júkteitinin atap ótti. Sondyqtan oqý orny sapaly bilim men tereń ǵylymnyń oshaǵyna, óńirdiń ziiatkerlik ortalyǵyna ainalýǵa tiis ekenin jetkizdi.