Қазақстан Тәуелсіздігіне 25 жыл

Qasym-Jomart Toqaev: «Jemqorlarǵa eshqandai aiaýshylyq nemese raqymshylyq bolmaidy»

Qasym-Jomart Toqaev: «Jemqorlarǵa eshqandai aiaýshylyq nemese raqymshylyq bolmaidy»
Aqorda

Qazaqstan Prezidenti Qasym-Jomart Toqaev III Strategiialyq seriktester forýmynda sóilegen sózinde «Zań jáne Tártip» qaǵidatynyń mańyzyna toqtalyp, sybailas jemqorlyqpen kúres máselesine erekshe nazar aýdardy, dep habarlaidy ult.kz.

Memleket basshysynyń aitýynsha, «Zań jáne Tártip» – memlekettik saiasattyń jai ǵana qaǵidaty emes, Ádiletti Qazaqstan qurý jolyndaǵy basty murattyń ózegi.

Prezident elimizde júzege asyrylyp jatqan saiasi jáne áleýmettik-ekonomikalyq reformalar ádildik, otanshyldyq, toleranttylyq, eńbekqorlyq, shyǵarmashylyq, zaiyrlylyq jáne progress qundylyqtaryna negizdeletinin atap ótti. Sondai-aq Konstitýtsiiada zań men sot aldynda barlyǵynyń teń ekeni naqty bekitilýi bul ózgeristerdiń nátijesin nyǵaita túsetinin aitty.

Qasym-Jomart Toqaev sybailas jemqorlyqqa qarsy kúres memlekettiń tabandy ustanymy bolyp qala beretinin jetkizdi.

«Jemqorlarǵa eshqandai aiaýshylyq nemese raqymshylyq bolmaidy», – dedi Prezident.

Onyń pikirinshe, jemqorlyq halyqtyń memleketke degen senimine nuqsan keltirip, eldiń damýyna kedergi jasaidy ári júrgizilip jatqan reformalardyń nátijesin joqqa shyǵarady.

Memleket basshysy kináli adamdardyń eshqaisysy zań aldyndaǵy jaýapkershilikten jaltara almaitynyn basa aitty. Bul rette adamnyń laýazymy, burynǵy eńbegi nemese yqpaldy qamqorshylary ony jaýapkershilikten bosatýǵa negiz bolmaýǵa tiis.

Prezident zań aldynda barlyǵy teń bolýy kerektigin atap ótip, reformalardy sońyna deiin jetkizý jáne halyqtyń úmitin aqtaý úshin osy ustanymdy berik saqtaý qajettigin jetkizdi.