Қазақстан Тәуелсіздігіне 25 жыл

قاسىم-جومارت توقاەۆ: «جەمقورلارعا ەشقانداي اياۋشىلىق نەمەسە راقىمشىلىق بولمايدى»

قاسىم-جومارت توقاەۆ: «جەمقورلارعا ەشقانداي اياۋشىلىق نەمەسە راقىمشىلىق بولمايدى»
اقوردا

قازاقستان پرەزيدەنتٸ قاسىم-جومارت توقاەۆ III ستراتەگييالىق سەرٸكتەستەر فورۋمىندا سٶيلەگەن سٶزٸندە «زاڭ جەنە تەرتٸپ» قاعيداتىنىڭ ماڭىزىنا توقتالىپ, سىبايلاس جەمقورلىقپەن كٷرەس مەسەلەسٸنە ەرەكشە نازار اۋداردى, دەپ حابارلايدى ult.kz.

مەملەكەت باسشىسىنىڭ ايتۋىنشا, «زاڭ جەنە تەرتٸپ» – مەملەكەتتٸك ساياساتتىڭ جاي عانا قاعيداتى ەمەس, ەدٸلەتتٸ قازاقستان قۇرۋ جولىنداعى باستى مۇراتتىڭ ٶزەگٸ.

پرەزيدەنت ەلٸمٸزدە جٷزەگە اسىرىلىپ جاتقان ساياسي جەنە ەلەۋمەتتٸك-ەكونوميكالىق رەفورمالار ەدٸلدٸك, وتانشىلدىق, تولەرانتتىلىق, ەڭبەكقورلىق, شىعارماشىلىق, زايىرلىلىق جەنە پروگرەسس قۇندىلىقتارىنا نەگٸزدەلەتٸنٸن اتاپ ٶتتٸ. سونداي-اق كونستيتۋتسييادا زاڭ مەن سوت الدىندا بارلىعىنىڭ تەڭ ەكەنٸ ناقتى بەكٸتٸلۋٸ بۇل ٶزگەرٸستەردٸڭ نەتيجەسٸن نىعايتا تٷسەتٸنٸن ايتتى.

قاسىم-جومارت توقاەۆ سىبايلاس جەمقورلىققا قارسى كٷرەس مەملەكەتتٸڭ تاباندى ۇستانىمى بولىپ قالا بەرەتٸنٸن جەتكٸزدٸ.

«جەمقورلارعا ەشقانداي اياۋشىلىق نەمەسە راقىمشىلىق بولمايدى», – دەدٸ پرەزيدەنت.

ونىڭ پٸكٸرٸنشە, جەمقورلىق حالىقتىڭ مەملەكەتكە دەگەن سەنٸمٸنە نۇقسان كەلتٸرٸپ, ەلدٸڭ دامۋىنا كەدەرگٸ جاسايدى ەرٸ جٷرگٸزٸلٸپ جاتقان رەفورمالاردىڭ نەتيجەسٸن جوققا شىعارادى.

مەملەكەت باسشىسى كٸنەلٸ ادامداردىڭ ەشقايسىسى زاڭ الدىنداعى جاۋاپكەرشٸلٸكتەن جالتارا المايتىنىن باسا ايتتى. بۇل رەتتە ادامنىڭ لاۋازىمى, بۇرىنعى ەڭبەگٸ نەمەسە ىقپالدى قامقورشىلارى ونى جاۋاپكەرشٸلٸكتەن بوساتۋعا نەگٸز بولماۋعا تيٸس.

پرەزيدەنت زاڭ الدىندا بارلىعى تەڭ بولۋى كەرەكتٸگٸن اتاپ ٶتٸپ, رەفورمالاردى سوڭىنا دەيٸن جەتكٸزۋ جەنە حالىقتىڭ ٷمٸتٸن اقتاۋ ٷشٸن وسى ۇستانىمدى بەرٸك ساقتاۋ قاجەتتٸگٸن جەتكٸزدٸ.