باسىندا جۇلدىزدى پيلوتكا, شاشى بۇرىم ەتٸپ ٶرٸلگەن. مۋزەي قىزمەتكەرلەرٸنٸڭ ايتۋىنشا, ەلييا مولداعۇلوۆا بۇل سۋرەتكە مايدانعا اتتانار الدىندا, 17 جاسىندا تٷسكەن. ول فوتوسىن بٸر حاتقا قوسىپ, اۋىلداعى قۇربىسىنا جٸبەرٸپتٸ. حاتتار ساقتالماعانىمەن, سۋرەت سول وتباسىنىڭ البومىندا قالعان. ونىڭ تاريحىن قوبدا مۋزەيٸنٸڭ قىزمەتكەرٸ گٷلبارشىن ەرعاليەۆا 2021 جىلى قازاقپاراتقا ايتىپ بەردٸ, دەپ حابارلايدى ult.kz.
ەلييا سۋرەتٸن كٸمگە جٸبەرگەن?
سۋرەت ەلييانىڭ بالا كٷنگٸ قۇربىسى بەتيما ٶربٸسٸنقىزىنا ارنالعان. ەكەۋٸ قوبدا ٶڭٸرٸندە قاتار ٶسكەن. گٷلبارشىن ەرعاليەۆانىڭ ايتۋىنشا, ەلييانىڭ وتباسى ەل باسىنا كٷن تۋعان جىلدارى بەتيمانىڭ ەكەسٸ ٶربٸسٸننٸڭ شاڭىراعىن پانالاعان. قىزدار سول ٷيدە بٸر داستارقاننان دەم تاتىپ, اپالى-سٸڭلٸدەي جاقىن بولىپ كەتكەن.

كەيٸن ەلييا اۋىلدان جىراق كەتسە دە, بەتيمامەن حات جازىسىپ تۇرعان. اۋىلدىڭ حال-جاعدايىن, ەلدٸڭ تۇرمىسىن سۇراپ وتىرعان. بٸر جولى حاتىنا ٶزٸنٸڭ سۋرەتٸن قوسىپ جٸبەرگەن. مۋزەي قىزمەتكەرٸنٸڭ سٶزٸنشە, بۇل فوتوسۋرەت كومسومول بيلەتٸنە تٷسۋ ٷشٸن تٷسٸرٸلگەن, ال ەلييا ونى بەتيماعا ەستەلٸككە جولداعان.
سۋرەت مەمبەتوۆتەر وتباسىندا قالاي ساقتالدى?
بەتيما كەيٸن مۇعالٸم بولىپ, قوبدا اۋدانىنداعى اۋىل بالالارىنا ساباق بەرگەن. نەرٸباي مەمبەتوۆپەن شاڭىراق كٶتەرٸپ, بەس بالا تەربيەلەگەن. بالالارى اناسىنان ەرتە ايىرىلعان. ەلييانىڭ بەتيماعا جازعان حاتتارى سول كٷيٸ ساقتالماي قالعان, ال حاتپەن كەلگەن فوتوسۋرەت وتباسىنىڭ جەكە مۇراعاتىندا قالعان.

سۋرەتتٸ بەتيمانىڭ ۇرپاقتارى ساقتاعان. 2021 جىلى قوبداعا كەلگەن ۇلى باتىر نەرٸبايۇلى مەمبەتوۆ مۋزەي قىزمەتكەرٸمەن ەڭگٸمەلەسٸپ وتىرىپ, اناسىنىڭ مۇراعاتىندا ەلييانىڭ بۇرىن جارييالانباعان سۋرەتٸ بارىن ايتادى. ونىڭ ايتۋىنشا, اناسىنىڭ ەستەلٸكتەرٸ مەن مۇراعاتى قاراعاندى وبلىسىندا تۇراتىن قارىنداسى ەلييادا ساقتالعان. وسى ەڭگٸمەدەن كەيٸن مۋزەي قىزمەتكەرٸ بەتيمانىڭ قىزدارى ەلييا مەن مەنشٷككە حابارلاسقان.
وتباسى البومىنان مۋزەيگە جەتكەن جەدٸگەر
گٷلبارشىن ەرعاليەۆا بەتيمانىڭ قىزدارىنان سۋرەتتٸ كٶپشٸلٸككە كٶرسەتۋگە رۇقسات سۇراعان. كەيٸن فوتو قوبداداعى تاريحي-ٶلكەتانۋ مۋزەيٸنٸڭ “داڭق” بۇرىشىنا قويىلدى. وسىلايشا وتباسىندا ونداعان جىل ساقتالعان سۋرەتتٸ مۋزەيگە كەلگەن جۇرت تا كٶرە الاتىن بولدى.

فوتوداعى ەلييانىڭ شاشى ەلٸ ۇزىن, بۇرىمى انىق كٶرٸنەدٸ. وسى بٸر بەلگٸ سۋرەتتٸ جۇرت كٶپ كٶرگەن, شاشى قىسقا مەرگەن ەلييانىڭ بەينەسٸنەن دارالاپ تۇر. ال فوتوسۋرەتتٸڭ كٸمگە جولدانعانىن بەتيمانىڭ بالالارى ايتىپ بەرمەگەندە, ونىڭ اۋىلداعى قۇربىسىنا جٸبەرٸلگەن ەستەلٸك ەكەنٸن كٶپشٸلٸك بٸلمەس ەدٸ.