Қазақстан Тәуелсіздігіне 25 жыл

Qaraǵandyda balyq aýlaýǵa ketken úsh adam kól túbinen tabyldy

Qaraǵandyda balyq aýlaýǵa ketken úsh adam kól túbinen tabyldy
pexels.com

Qaraǵandy oblysynda balyq aýlaýǵa shyqqan úsh adamnyń ómiri qaiǵyly aiaqtaldy. Olardyń arasynda bir áiel bar. Úsheýiniń de máiiti kólden tabyldy, dep habarlaidy ult.kz.

Oblystyq tótenshe jaǵdailar departamentiniń málimetinshe, 17 qarasha kúni tańǵy saǵat 06:00 shamasynda 1959 jáne 1963 jyly týǵan eki er adam men 1963 jyly týǵan áiel Borodinovka aýylynan ońtústikke qarai 15 shaqyrym jerdegi kólge balyq aýlaýǵa ketken. Alaida olar sol kúii úilerine oralmaǵan.

Úsh adamnyń joǵalǵany týraly habar TJD-ge 17 qarasha kúni saǵat 23:40-ta túsken. Qutqarýshylar birden izdestirý jumystaryna kirisken. Túngi ýaqyt pen qolaisyz jaǵdai izdeý jumystaryn qiyndatqan.

Qutqarý operatsiiasy kezinde ushqyshsyz ushý apparaty, teplovizory bar dúrbi, súńgýir jabdyqtary jáne Starlink spýtniktik bailanys júiesi qoldanylǵan.

«18 qarashada saǵat 01:18-de, habar túskennen keiin 1 saǵat 38 minýt ótken soń, qutqarýshylar úsh adamnyń denesin sýdan alyp shyqty. Olar jaǵadan 10 metr qashyqtyqta, 2,5 metr tereńdikte jatqan. Aldyn ala málimet boiynsha, balyqshylar muz astyna túsip ketip, sýǵa batyp ketken», – dep habarlady oblystyq TJD.

Vedomstvonyń málimetinshe, marqumdardyń ústinde qutqarý keýdesheleri bolmaǵan. Qazir qaiǵyly oqiǵanyń mán-jaiy anyqtalyp jatyr.