قاراعاندى وبلىسىندا بالىق اۋلاۋعا شىققان ٷش ادامنىڭ ٶمٸرٸ قايعىلى اياقتالدى. ولاردىڭ اراسىندا بٸر ەيەل بار. ٷشەۋٸنٸڭ دە مەيٸتٸ كٶلدەن تابىلدى, دەپ حابارلايدى ult.kz.
وبلىستىق تٶتەنشە جاعدايلار دەپارتامەنتٸنٸڭ مەلٸمەتٸنشە, 17 قاراشا كٷنٸ تاڭعى ساعات 06:00 شاماسىندا 1959 جەنە 1963 جىلى تۋعان ەكٸ ەر ادام مەن 1963 جىلى تۋعان ەيەل بورودينوۆكا اۋىلىنان وڭتٷستٸككە قاراي 15 شاقىرىم جەردەگٸ كٶلگە بالىق اۋلاۋعا كەتكەن. الايدا ولار سول كٷيٸ ٷيلەرٸنە ورالماعان.
ٷش ادامنىڭ جوعالعانى تۋرالى حابار تجد-گە 17 قاراشا كٷنٸ ساعات 23:40-تا تٷسكەن. قۇتقارۋشىلار بٸردەن ٸزدەستٸرۋ جۇمىستارىنا كٸرٸسكەن. تٷنگٸ ۋاقىت پەن قولايسىز جاعداي ٸزدەۋ جۇمىستارىن قيىنداتقان.
قۇتقارۋ وپەراتسيياسى كەزٸندە ۇشقىشسىز ۇشۋ اپپاراتى, تەپلوۆيزورى بار دٷربٸ, سٷڭگۋٸر جابدىقتارى جەنە Starlink سپۋتنيكتٸك بايلانىس جٷيەسٸ قولدانىلعان.
«18 قاراشادا ساعات 01:18-دە, حابار تٷسكەننەن كەيٸن 1 ساعات 38 مينۋت ٶتكەن سوڭ, قۇتقارۋشىلار ٷش ادامنىڭ دەنەسٸن سۋدان الىپ شىقتى. ولار جاعادان 10 مەتر قاشىقتىقتا, 2,5 مەتر تەرەڭدٸكتە جاتقان. الدىن الا مەلٸمەت بويىنشا, بالىقشىلار مۇز استىنا تٷسٸپ كەتٸپ, سۋعا باتىپ كەتكەن», – دەپ حابارلادى وبلىستىق تجد.
ۆەدومستۆونىڭ مەلٸمەتٸنشە, مارقۇمداردىڭ ٷستٸندە قۇتقارۋ كەۋدەشەلەرٸ بولماعان. قازٸر قايعىلى وقيعانىڭ مەن-جايى انىقتالىپ جاتىر.