«سامۇرىق-قازىنا» ۇلتتىق ەل-اۋقات قورىنىڭ تاعى بٸر قىزمەتكەرٸ ۇستالدى. قور ٶكٸلدەرٸ وعان قاتىستى تەرگەۋ امالدارى جٷرگٸزٸلٸپ جاتقانىن راستادى, دەپ حابارلايدى ult.kz Nur.kz سايتىنا سٸلتەمە جاساپ.
قوردىڭ باسپاسٶز قىزمەتٸنٸڭ مەلٸمەتٸنشە, ۇستالعان قىزمەتكەر قور دەپارتامەنتتەرٸنٸڭ بٸرٸندە جۇمىس ٸستەگەن. ونىڭ ۇستالۋىنا بۇرىنعى ەڭبەك قىزمەتٸنە قاتىستى مەن-جايلار سەبەپ بولعان. بۇل جاعداي قازٸرگٸ لاۋازىمدىق مٸندەتتەرٸن ورىنداۋىنا بايلانىستى ەمەس.
«„سامۇرىق-قازىنا“ اق-نىڭ قولدا بار اقپاراتىنا سەيكەس, قور دەپارتامەنتتەرٸنٸڭ بٸرٸنٸڭ قىزمەتكەرٸن ۇستاۋ ونىڭ بۇرىنعى ەڭبەك قىزمەتٸنە قاتىستى مەن-جايلارمەن بايلانىستى جەنە قازٸرگٸ قىزمەتتٸك مٸندەتتەرٸن اتقارۋىنا قاتىسى جوق. قازٸرگٸ ۋاقىتتا ۋەكٸلەتتٸ ورگاندار تيٸستٸ تەرگەۋ امالدارىن جٷرگٸزٸپ جاتىر», – دەلٸنگەن قور حابارلاماسىندا.
ەسكە سالايىق, 12 قاراشادا ۇلتتىق قاۋٸپسٸزدٸك كوميتەتٸ «سامۇرىق-قازىنا» قورىنىڭ بۇرىنعى باسقارما تٶراعاسى نۇرلان جاقۇپوۆ پەن «قازاقستان تەمٸر جولى» كومپانيياسىنىڭ باسشىسى ەلجاس وتىنىشەۆتٸڭ ۇستالعانىن حابارلاعان بولاتىن.
كەيٸن سوت ولاردىڭ قاماۋعا الىنۋىنا سانكتسييا بەردٸ.
وسى وقيعادان كەيٸن قور ٶكٸلدەرٸ «سامۇرىق-قازىنا» مەن وعان قاراستى كومپانييالاردىڭ شتاتتىق رەجيمدە جۇمىس ٸستەپ جاتقانىن مەلٸمدەدٸ. سونداي-اق پرەمەر-مينيستر ولجاس بەكتەنوۆ قور باسشىلىعىنىڭ ۇستالۋىنا قاتىستى پٸكٸر بٸلدٸرگەن ەدٸ.