Jetisý oblysynda mal urlyǵynyń toǵyz deregi áshkerelendi. 13 bas iri qara men jylqyny urlap, etin saýdalaǵan degen kúdikpen Taldyqorǵannyń eki turǵyny ustaldy. Keltirilgen shyǵyn 9,6 mln teńgeden asady, dep habarlaidy ult.kz.
Polisia.kz málimetinshe, 41 jáne 49 jastaǵy kúdiktiler Aqsý jáne Eskeldi aýdandaryndaǵy jaiylymdardan mal urlap, sol jerde soiǵan. Keiin etin Taldyqorǵanǵa jetkizip, garajda bólshektep, saýdaǵa shyǵarǵan.
Alaida politsiia kúdiktilerdi kezekti urlanǵan maldyń etin garajǵa jetkizip jatqan jerinen ustady. Oqiǵa ornynan shamamen 600 keli jylqy eti tárkilenip, zańdy ielerine qaitaryldy.
Qazir kúdiktilerdiń 2025–2026 jyldary tirkelgen ózge de mal urlyǵyna qatysy bar-joǵy tekserilip jatyr. Eki adam da qamaýǵa alynǵan. Sotqa deiingi tergeý jalǵasýda.