Qazaqstannyń tórt azamaty Omannyń Salala qalasynda jol apatyna túsip, aýrýhanaǵa jetkizildi. Qazir olardy elge qaitarý máselesi qarastyrylyp jatyr, dep habarlaidy ult.kz.
Apat 15 qarashada bolǵan. Zardap shekkender – bir otbasynyń músheleri: ájesi, atasy, anasy jáne kámeletke tolmaǵan qyzy. Tórteýine de ota jasalǵan.
Týristik kompaniia Air Astana men Kazunion Tour Operator-dan naýqastardy elge meditsinalyq talaptarǵa sai jetkizýge kómektesýdi suraǵan.
QR Syrtqy ister ministrligi oqiǵanyń baqylaýda ekenin málimdedi. Diplomattar zardap shekkendermen jáne emdeýshi dárigerlermen turaqty bailanysta. Qazaqstandyqtardy elge qaýipsiz qaitarý joldary qarastyrylyp jatyr.