Қазақстан Тәуелсіздігіне 25 жыл

2027 jyldan bastap emhanalardaǵy keibir qyzmetkerlerdiń jalaqysy ósedi

2027 jyldan bastap emhanalardaǵy keibir qyzmetkerlerdiń jalaqysy ósedi
ashyq derekkóz

2027 jylǵy 1 qańtardan bastap Qazaqstandaǵy emhana qyzmetkerleriniń jalaqysyna qosymsha ústemeaqy qosylady. Qosymsha tólem ýchaskelik dárigerlerge, medbikelerge, psihologtar men áleýmettik qyzmetkerlerge beriledi. Bul týraly Densaýlyq saqtaý ministrligi ázirlegen qujat jobasynda aitylǵan, dep habarlaidy ult.kz.

Ózgerister alǵashqy meditsinalyq-sanitarlyq kómek (MSAK) uiymdarynyń qyzmetkerlerine qatysty bolady. Qosymsha tólem mólsheri mamannyń úzdiksiz eńbek ótili men jumys júktemesine bailanysty esepteledi.

Eńbek ótiline qarai beriletin ústemeaqy:

Laýazymdyq jalaqyǵa shaqqanda:

  • 2 jyldan astam eńbek ótili barlarǵa – 20%;
  • 3 jyldan astam eńbek ótili barlarǵa – 30%;
  • 5 jyldan astam eńbek ótili barlarǵa – 50% ústemeaqy tólenedi.

Bul ústemeaqyny ýchaskelik terapevter, pediatrlar jáne jalpy praktika dárigerleri alady.

Sondai-aq orta býyn meditsina qyzmetkerleri qataryndaǵy ýchaskelik, patronajdyq jáne mektep medbikelerine, jalpy praktika medbikelerine, feldsherler men akýsherlerge de qosymsha tólem qarastyrylǵan.

Júktemesine qarai beriletin ústemeaqy:

Psihoemotsionaldyq jáne fizikalyq júktemeni eskere otyryp:

  • emhana psihologtaryna – bazalyq laýazymdyq ailyqaqynyń (BLA) 300%-y;
  • halyqty súiemeldeýge qatysatyn áleýmettik qyzmetkerlerge – BLA-nyń 200%-y mólsherinde ústemeaqy beriledi.

Aita keteiik, tiisti ózgerister engizý týraly qujat jobasy ashyq talqylaýǵa shyǵaryldy. Qoǵamdyq talqylaý 2026 jylǵy 7 jeltoqsanǵa deiin jalǵasady.