Áleýmettik jelide ál-Farabi atyndaǵy Qazaq ulttyq ýniversitetinde stýdent qyzdyń ózine qol jumsamaq bolǵany týraly aqparat tarady. Almaty qalalyq politsiia departamenti oqý oryndarynyń birinde stýdent qyzdyń ózine dene jaraqatyn salǵanyn rastady, dep habarlaidy ult.kz Zakon.kz-ke silteme jasap.
Bul týraly aqparat 19 qarashada Instagram jelisinde jariialanǵan. Alaida jazba avtory málimettiń resmi túrde rastalmaǵanyn atap ótken.
Almaty qalalyq politsiia departamentiniń baspasóz qyzmeti oqiǵaǵa qatysty túsinikteme berdi.
«Aldyn ala málimet boiynsha, oqý oryndarynyń birinde stýdent qyzdyń ózine jeńil dene jaraqatyn salý faktisi tirkeldi. Oǵan meditsinalyq kómek kórsetildi. Politsiia sotqa deiingi tergeýdi bastady», – dep habarlady politsiia.
QazUÝ-de buǵan deiin de qaiǵyly oqiǵalar bolǵan
Eske salaiyq, 6 qarasha kúni QazUÝ stýdentter qalashyǵynda jýrnalistika fakýltetiniń birinshi kýrs stýdenti qaitys bolǵan edi.
Al 16 qarashada ýniversitettiń geografiia jáne tabiǵatty paidalaný fakýltetinde oqityn taǵy bir birinshi kýrs stýdentiniń kóz jumǵany belgili boldy. Keiin politsiia kúdiktiniń ustalǵanyn habarlady.
Osy oqiǵadan keiin ýniversitet basshylyǵy áleýmettik turaqtylyq jónindegi prorektor men geografiia jáne tabiǵatty paidalaný fakýltetiniń dekanyn qyzmetinen bosatty.
Sondai-aq 17 qarashada Ǵylym jáne joǵary bilim ministrligi QazUÝ-de keshendi tekserý júrgizetinin málimdedi.