Ishki ister ministrligi kólik júrgizý quqyǵynan aiyrylsa da, qaitadan rólge otyrǵan 115 júrgizýshiniń ákimshilik qamaýǵa alynǵanyn málimdedi, dep habarlaidy ult.kz.
Politsiia keiingi bes kúnde osyndai 245 quqyq buzýshyny anyqtaǵan. Olardyń bir bóligine ákimshilik qamaq taǵaiyndalsa, qalǵandaryna aiyppul salynǵan.
«Olardyń 115-i ákimshilik qamaqqa alynsa, 130 júrgizýshige aiyppul salyndy. Sonymen qatar barlyq 245 avtokólik arnaiy aiyp turaǵyna qoiyldy», – delingen IIM habarlamasynda.
Ministrlik kólik júrgizý quqyǵynan aiyrylǵan azamattardyń qaitadan rólge otyrýy zańǵa qaishy ekenin eskertti.
«Keibir júrgizýshiler kólik júrgizý quqyǵynan aiyrylsa da, avtokólik róline otyrady. Sot tyiym salsa da, olar zańdy ádeii buzyp, basqalardyń ómirine qaýip tóndiredi», – deidi politsiia.
Vedomstvo mundai áreketter jol qozǵalysyna qatysýshylardyń qaýipsizdigine qater tóndiretinin atap ótti.