Қазақстан Тәуелсіздігіне 25 жыл

"Qudalar syrǵa ákeledi": Tursynbek Qabatovtyń qyzy qýanyshty habaryn jetkizdi

"Qudalar syrǵa ákeledi": Tursynbek Qabatovtyń qyzy qýanyshty habaryn jetkizdi
Foto-kollaj: ult.kz / JI

Tanymal ázilkesh Tursynbek Qabatovtyń qyzy Ádemi Tursynbekqyzy osy ýaqytqa deiin qulaǵyn ne sebepti testirmegenin aityp, kópshilikti qyzyqtyrǵan jaitty bólisti. Onyń sózinshe, mundai sheshim qabyldaýyna ákesiniń bala kezinde aitqan aqyly áser etken, dep habarlaidy ult.kz.

Ádemi áleýmettik jelidegi paraqshasynda qazaqtyń syrǵa salý dástúrine qatysty oiyn jetkizdi. Ol kishkentai kezinde ákesiniń osy salttyń mańyzyn túsindirip bergenin eske aldy.

"Meniń áli kúnge deiin qulaǵym tesilmegen. Kishkentai kezimde papa kelip túsindirgen bolatyn qazaqtarda "syrǵa salý" degen dástúr bar ekenin. Ertede qudalar kelip, endi bul bizdiń qyz degen nietpen syrǵa salý dástúrin jasap ketken. Kishkentai kezinen bastap qyzǵa syrǵa salý jasap, atastyryp qoiatyn da bolǵan", – dedi ol.

Ázilkeshtiń qyzy ákesiniń aitqanyn esinde saqtap, bolashaqta syrǵa salý rásimi ótken kezde ǵana qulaǵyn testirýdi jón kórgen. Onyń aitýynsha, bul kún ózi úshin erekshe bolmaq. Sebebi ómirinde alǵash ret syrǵa taǵýdy josparlap otyr.

"Ózime de qyzyq bolyp tur, sebebi ómirimde birinshi ret sol kúni syrǵa taǵatyn bolamyn. Basynda meditsinalyq syrǵa taǵamyn. Biraq keiin ony aýystyrýǵa bolady. Qudalar jaǵy kúshti syrǵa alyp keledi dep úmittenemin", – dedi Tursynbek Qabatovtyń qyzy.

"Jol apatynan keiin eshkim balasynyń tusaýyn kestirmegen": Tamara Asar qandai synaqqa tap boldy?

Tursynbek Qabatov týraly ne belgili?

Tursynbek Amanǵaliuly Qabatov – qazaq ázil-syqaq ónerinde ózindik qoltańbasyn qalyptastyrǵan tanymal ázilkesh, akter jáne telejúrgizýshi. Ol 1979 jyly 10 qazanda Batys Qazaqstan oblysy Kaztalov aýdanyna qarasty Aqpáter aýylynda dúniege kelgen.

Óner iesi kópshilikke qazaqy iýmordy sheber jetkizýimen, kúndelikti ómirdegi oqiǵalardy ázilge ainaldyra bilýimen tanyldy. Onyń sahnalyq qoiylymdarynda qoǵamdaǵy ózekti máseleler, otbasylyq qarym-qatynas, ulttyq qundylyqtar men adamdardyń minez-qulqy jii kórinis tabady.

Tursynbek Qabatov shyǵarmashylyq jolyn 2000 jyly Ǵarifolla Qurmanǵaliev atyndaǵy Batys Qazaqstan oblystyq filarmoniiasynda bastaǵan. Keiin Kóńildi tapqyrlar klýbynyń oiyndaryna qatysyp, ázil salasyndaǵy sheberligin shyńdady.

Stýdenttik kezeńinde "Agrarka sarbazdary", "Astana.kz" jáne "Kazahi" komandalarynyń sapynda óner kórsetti. Ásirese "Kazahi" komandasynyń quramyndaǵy qoiylymdary onyń tanymaldyǵyn arttyrdy. 2010 jyly atalǵan ujym KVN Joǵarǵy ligasynyń vitse-chempiony atandy. Keiin ázilkesh jeke shyǵarmashylyq jobalaryn qolǵa alyp, Qazaqstannyń túrli qalalarynda kontsertter uiymdastyra bastady. Onyń Astana men Almatydaǵy ázil keshteri kórermenderdiń qyzyǵýshylyǵyn týdyrdy. Sonymen qatar televiziialyq baǵdarlamalar men oiyn-saýyq jobalaryna qatysyp, akterlik qyrynan da tanyldy.

Tursynbek Qabatov teatr salasynda da birqatar bastamany júzege asyrdy. Ol "Bazar joq" teatryn quryp, ázil-syqaq baǵytyndaǵy jańa qoiylymdardy sahnalady. Sondai-aq belgili bir kezeńde "Ázil álemi" teatrynyń shyǵarmashylyq qyzmetine aralasty.

Ónerdegi jetistikteri úshin Tursynbek Qabatov birneshe márte marapattalǵan. 2014 jyly oǵan "Qazaqstan Respýblikasynyń mádeniet salasynyń úzdigi" ataǵy berildi. Budan bólek, ol Kaztalov aýdanynyń qurmetti azamaty atandy.

2015 jyly ázilkeshke "Qazaqstannyń eńbek sińirgen qairatkeri" qurmetti ataǵy tabystaldy.