“MýzART” tobynyń ánshisi Sáken Maiǵaziev anasy Ultai Myrzambekqyzynyń dúnieden ótkenine qyryq kún bolǵanyn aityp, Instagram paraqshasynda video jariialady, dep habarlaidy ult.kz.
Beinejazbada ánshiniń zirat ishinde kele jatqany kórinedi. Ol videoǵa Úkitai Erniiazovtyń “Anasy joq adamdar” ánin qoiǵan.
“Anashymsyz ótken qyryq kún”, – dep jazdy Sáken Maiǵaziev.
Aita keteiik, Maqpal Júnisova Meirambektiń toiyna nege barmaǵanyn túsindirdi.
Sáken Maiǵaziev kim?
Sáken Qordabaiuly Maiǵaziev – qazaq estradasynyń ánshisi, “MýzART” tobynyń alǵashqy quramyndaǵy ónerpazdardyń biri. Ol 1975 jyly 1 qańtarda qazirgi Túrkistan oblysynyń Sozaq aýdanynda dúniege kelgen. Ákesi Qordabai Maiǵazyuly men anasy Ultai Myrzambekqyzy on bala tárbielegen. Sáken – otbasyndaǵy toǵyzynshy bala.

Ol Júsipbek Elebekov atyndaǵy estrada-tsirk kolledjinde oqyp, keiin Temirbek Júrgenov atyndaǵy óner akademiiasynda estrada ánshisi mamandyǵy boiynsha bilim alǵan.

2001 jyly Meirambek Bespaev jáne Maqsat Bazarbaevpen birge “MýzART” tobynda óner kórsete bastady. Top “Seniń kóziń”, “Shynarym”, “Anaǵa sálem” ánderimen kópshilikke tanyldy.
Sáken Maiǵaziev – “Daryn” memlekettik jastar syilyǵynyń iegeri. 2013 jyly oǵan “Qazaqstannyń eńbek sińirgen qairatkeri” ataǵy berildi.