Қазақстан Тәуелсіздігіне 25 жыл

“3 perzentimizden aiyryldyq”: Sáken Bibosynov qýanyshty jańalyǵyn aitty

“3 perzentimizden aiyryldyq”: Sáken Bibosynov qýanyshty jańalyǵyn aitty
Foto: Neirojeli arqyly jasaldy

Qazaqstandyq boksshy Sáken Bibosynov uldy bolǵanyn habarlady. Sportshy áleýmettik jelidegi jazbasynda buǵan deiin otbasymen úsh perzentinen aiyrylǵanyn aityp, sábiiniń dúniege kelýi úlken qýanysh bolǵanyn jetkizdi,  dep habarlaidy ult.kz.

Bibosynov jary ekeýiniń aýyr qaiǵyny bastan ótkergenin jazdy. Onyń aitýynsha, otbasy sol kezeńde úmitin úzbei, sábi súiýdi tilegen.

“Úsh perzentimizden aiyryldyq… Úsheýiniń de orny júregimizde máńgi saqtalady”, – dep jazdy boksshy.

Sportshy jańa týǵan ulyna uzaq ǵumyr, zor densaýlyq tiledi. Jazbasynyń sońynda sábi kútip júrgen otbasylarǵa da aq tilegin arnady.

“Perzent ańsap júrgen barlyq ata-ananyń duǵasyn qabyl etip, shańyraqtaryna sábi kúlkisin násip etsin!” – dedi Sáken Bibosynov.

Aita keteiik, Maqpal Isabekova ajyrasqanyn aitty. 

Sáken Bibosynov kim?

Sáken Bibosynov – qazaqstandyq boksshy, Tokio Olimpiadasynyń qola júldegeri jáne bokstan eki dúrkin álem chempiony. Ol 1997 jyly 3 shildede Ózbekstannyń Bostandyq aýdanynda dúniege kelgen. 13 jasynda Qazaqstanǵa kelip, Qyzylordadaǵy sport mektep-internatynda oqyǵan. Keiin Sairam aýdanynda bapker Qadyrbek Qýatbekovtiń qol astynda jattyqqan.

Bibosynov 2019 jyly álem chempionatynda qola medal jeńip aldy. 2021 jyly Tokio Olimpiadasynda qola júlde ielenip, sol jyly Serbiianyń Belgrad qalasynda 51 kelige deiingi salmaqta alǵash ret álem chempiony atandy.

2025 jyly Dýbaida ótken álem chempionatynda ol 54 kelige deiingi salmaqta finalǵa shyǵyp, reseilik Viacheslav Rogozindi 5:2 esebimen jeńdi. Osylaisha ekinshi ret álem chempiony atandy.