Қазақстан Тәуелсіздігіне 25 жыл

"Sákenniń ornyna Saiat Medeýovti almaq bolǵan": "MýzArttaǵy" el bilmeitin derek málim boldy

"Sákenniń ornyna Saiat Medeýovti almaq bolǵan": "MýzArttaǵy" el bilmeitin derek málim boldy
Foto-kollaj: ult.kz / JI

Qazaqstandyq ánshi Sáken Maiǵaziev "MýzArt" tobynyń qalai qurylǵanyn jáne bastapqyda ujymǵa óziniń ornyna Saiat Medeýovti shaqyrý josparlanǵanyn aityp berdi. Óner iesi top múshelerimen alǵash qalai tabysqanyn da eske aldy, dep habarlaidy ult.kz.

Qazaq estradasyndaǵy tanymal "MýzArt" tobynyń qurylý tarihy kópshilikke qyzyq. Búginde tyńdarmannyń súiikti ujymyna ainalǵan toptyń alǵashqy quramyna Sáken Maiǵazievtiń birden tańdalmaǵany belgili boldy.

Alǵashynda topqa Saiat Medeýovti shaqyrmaq bolǵan

Sáken Maiǵazievtiń aitýynsha, "MýzArt" tobynyń qurylýyna Meirambek Bespaev pen Maqsat Bazarbaev bastamashy bolǵan. Bir-birin stýdent kezinen tanityn eki ónerpaz áýelde dýet qurýdy josparlaǵan. Alaida Meirambek Bespaev buǵan deiin birneshe ánshimen dýet oryndaǵandyqtan, jańa formatta óner kórsetýdi usynǵan.

Osylaisha, olar úsh adamnan turatyn mýzykalyq ujym qurýǵa sheshim qabyldaǵan.

Alǵashqyda úshinshi ánshi retinde erekshe qońyr daýysymen tanylǵan Saiat Medeýovtiń kandidatýrasy qarastyrylǵan. Alaida jigitter ózara aqyldasa kele, toptyń mýzykalyq úilesimi úshin ashyq daýysty tenor qajet degen qorytyndyǵa kelgen. Sol kezde Maqsat Bazarbaevtyń esine Sáken Maiǵaziev túsken.

"Keiin úsheýi aqyldasa otyryp bul topqa estradalyq ánshi, daýsy ashyqtaý tenor kerek dep sheshedi. Sol kezde Maqsattyń esine men túsemin", – dep eske aldy ánshi.

"Meirambek meni izdep júrgenderin aitty"

Sáken Maiǵazievtiń sózinshe, ol Meirambek Bespaev pen Maqsat Bazarbaevty stýdenttik jyldarynan tanyǵan. Olar túrli kontsertter men saltanatty jiyndarda kezdesip júrgenimen, bolashaqta bir topta óner kórsetetinderin oilamaǵan.

Bir kúni Sáken kóshede Meirambek Bespaevty kezdeisoq jolyqtyryp qalǵan. Sol kezde Meirambek ony topqa shaqyrý úshin biraz ýaqyttan beri izdep júrgenderin aitqan.

"Bir kúni kósheden Meirambekti kezdestirip qaldym. Jigitter meni itpen izdep tappai júrgenderin aitty. Ol kezde uialy telefon, qazirgidei esep berip otyratyn áleýmettik jeliler joq. Meirambekke qai meiramhanada jumys isteitinimdi aityp kettim. Keshke jigitter kelip, usynys jasady", – dedi Sáken Maiǵaziev.

Osy kezdesýden keiin ánshige jańa mýzykalyq toptyń quramyna qosylý týraly usynys jasalǵan.

"MýzArt" qandai maqsatpen quryldy?

Sáken Maiǵaziev toptyń qurylýynda ulttyq qundylyqtardy dáripteý ideiasy mańyzdy bolǵanyn atap ótti.

"MýzArt" degen namystan jaralǵan top. Olai deitinimiz tek ana tilinde án shyrqaityn ánshilerdiń basyn biriktirý týraly aldymyzǵa maqsat qoiyldy", – dedi ol.

"Qudalar syrǵa ákeledi": Tursynbek Qabatovtyń qyzy qýanyshty habaryn jetkizdi

"MýzArt" toby týraly ne belgili?

"MýzArt" – qazaq estradasynda ózindik orny bar, halyqtyń ystyq yqylasyna bólengen tanymal mýzykalyq toptardyń biri. Ujym 2001 jyly qurylyp, ulttyq án ónerin nasihattaýǵa jáne qazaq tilindegi shyǵarmalardy keńinen tanytýǵa baǵyttalǵan.

Toptyń alǵashqy quramynda Meirambek Bespaev, Sáken Maiǵaziev jáne Maqsat Bazarbaev óner kórsetti. Úsh ánshiniń daýys erekshelikteri men oryndaýshylyq mánerleri úilesip, "MýzArttyń" ózindik mýzykalyq stilin qalyptastyrdy.

Ujym qurylǵan alǵashqy jyldardan bastap tyńdarmandardyń nazaryn aýdaryp, qysqa ýaqyt ishinde qazaq estradasyndaǵy tanymal toptardyń qataryna qosyldy. Ásirese halyq ánderin jańasha oryndaýy, lirikalyq shyǵarmalardy áserli jetkizýi jáne ulttyq mýzykalyq dástúrdi saqtaýy kórermenderdiń yqylasyna ie boldy.

"MýzArt" repertýaryndaǵy "Seniń kóziń", "Óz elim", "Qudasha", "Asyl jarym" jáne basqa da ánder kópshilikke keńinen tanyldy. Ujymnyń shyǵarmalarynda týǵan jerge degen súiispenshilik, mahabbat, dostyq, adamgershilik jáne ulttyq qundylyqtar taqyryby erekshe oryn alady.

Toptyń qurylý tarihy da qyzyqty oqiǵalarǵa toly. Bastapqyda Meirambek Bespaev pen Maqsat Bazarbaev dýet retinde óner kórsetýdi josparlaǵan. Keiin úsh adamnan turatyn top qurý ideiasy týyndap, úshinshi ánshi retinde Saiat Medeýovtiń esimi qarastyrylǵan. Alaida aqyldasa kele, ujymǵa tenor daýysty ánshi qajet degen sheshimge kelip, Sáken Maiǵazievti shaqyrǵan.

"MýzArt" shyǵarmashylyq jolynda Qazaqstannyń kóptegen óńirinde kontsert ótkizip, shetel sahnalarynda da óner kórsetti. Toptyń tanymaldyǵy onyń músheleriniń jeke shyǵarmashylyq jolyna da yqpal etti.

Keiingi jyldary Meirambek Bespaev, Sáken Maiǵaziev jáne Maqsat Bazarbaev jeke jobalarymen de ainalysyp, mýzyka men mádeniet salasyndaǵy qyzmetin jalǵastyrdy.

Shirek ǵasyrǵa jýyq tarihy bar "MýzArt" qazaq tilindegi ánderdi dáriptep, birneshe býyn tyńdarmannyń súiikti mýzykalyq ujymyna ainaldy. Toptyń oryndaýyndaǵy kóptegen shyǵarmalar búginde de kontsertterde, merekelik keshterde jáne túrli mádeni is-sharalarda shyrqalyp keledi.