قازاقستاندىق ەنشٸ سەكەن مايعازيەۆ "مۋزارت" توبىنىڭ قالاي قۇرىلعانىن جەنە باستاپقىدا ۇجىمعا ٶزٸنٸڭ ورنىنا سايات مەدەۋوۆتٸ شاقىرۋ جوسپارلانعانىن ايتىپ بەردٸ. ٶنەر يەسٸ توپ مٷشەلەرٸمەن العاش قالاي تابىسقانىن دا ەسكە الدى, دەپ حابارلايدى ult.kz.
قازاق ەستراداسىنداعى تانىمال "مۋزارت" توبىنىڭ قۇرىلۋ تاريحى كٶپشٸلٸككە قىزىق. بٷگٸندە تىڭدارماننىڭ سٷيٸكتٸ ۇجىمىنا اينالعان توپتىڭ العاشقى قۇرامىنا سەكەن مايعازيەۆتٸڭ بٸردەن تاڭدالماعانى بەلگٸلٸ بولدى.
العاشىندا توپقا سايات مەدەۋوۆتٸ شاقىرماق بولعان
سەكەن مايعازيەۆتٸڭ ايتۋىنشا, "مۋزارت" توبىنىڭ قۇرىلۋىنا مەيرامبەك بەسپاەۆ پەن ماقسات بازارباەۆ باستاماشى بولعان. بٸر-بٸرٸن ستۋدەنت كەزٸنەن تانيتىن ەكٸ ٶنەرپاز ەۋەلدە دۋەت قۇرۋدى جوسپارلاعان. الايدا مەيرامبەك بەسپاەۆ بۇعان دەيٸن بٸرنەشە ەنشٸمەن دۋەت ورىنداعاندىقتان, جاڭا فورماتتا ٶنەر كٶرسەتۋدٸ ۇسىنعان.
وسىلايشا, ولار ٷش ادامنان تۇراتىن مۋزىكالىق ۇجىم قۇرۋعا شەشٸم قابىلداعان.
العاشقىدا ٷشٸنشٸ ەنشٸ رەتٸندە ەرەكشە قوڭىر داۋىسىمەن تانىلعان سايات مەدەۋوۆتٸڭ كانديداتۋراسى قاراستىرىلعان. الايدا جٸگٸتتەر ٶزارا اقىلداسا كەلە, توپتىڭ مۋزىكالىق ٷيلەسٸمٸ ٷشٸن اشىق داۋىستى تەنور قاجەت دەگەن قورىتىندىعا كەلگەن. سول كەزدە ماقسات بازارباەۆتىڭ ەسٸنە سەكەن مايعازيەۆ تٷسكەن.
"كەيٸن ٷشەۋٸ اقىلداسا وتىرىپ بۇل توپقا ەسترادالىق ەنشٸ, داۋسى اشىقتاۋ تەنور كەرەك دەپ شەشەدٸ. سول كەزدە ماقساتتىڭ ەسٸنە مەن تٷسەمٸن", – دەپ ەسكە الدى ەنشٸ.
"مەيرامبەك مەنٸ ٸزدەپ جٷرگەندەرٸن ايتتى"
سەكەن مايعازيەۆتٸڭ سٶزٸنشە, ول مەيرامبەك بەسپاەۆ پەن ماقسات بازارباەۆتى ستۋدەنتتٸك جىلدارىنان تانىعان. ولار تٷرلٸ كونتسەرتتەر مەن سالتاناتتى جيىنداردا كەزدەسٸپ جٷرگەنٸمەن, بولاشاقتا بٸر توپتا ٶنەر كٶرسەتەتٸندەرٸن ويلاماعان.
بٸر كٷنٸ سەكەن كٶشەدە مەيرامبەك بەسپاەۆتى كەزدەيسوق جولىقتىرىپ قالعان. سول كەزدە مەيرامبەك ونى توپقا شاقىرۋ ٷشٸن بٸراز ۋاقىتتان بەرٸ ٸزدەپ جٷرگەندەرٸن ايتقان.
"بٸر كٷنٸ كٶشەدەن مەيرامبەكتٸ كەزدەستٸرٸپ قالدىم. جٸگٸتتەر مەنٸ يتپەن ٸزدەپ تاپپاي جٷرگەندەرٸن ايتتى. ول كەزدە ۇيالى تەلەفون, قازٸرگٸدەي ەسەپ بەرٸپ وتىراتىن ەلەۋمەتتٸك جەلٸلەر جوق. مەيرامبەككە قاي مەيرامحانادا جۇمىس ٸستەيتٸنٸمدٸ ايتىپ كەتتٸم. كەشكە جٸگٸتتەر كەلٸپ, ۇسىنىس جاسادى", – دەدٸ سەكەن مايعازيەۆ.
وسى كەزدەسۋدەن كەيٸن ەنشٸگە جاڭا مۋزىكالىق توپتىڭ قۇرامىنا قوسىلۋ تۋرالى ۇسىنىس جاسالعان.
"مۋزارت" قانداي ماقساتپەن قۇرىلدى?
سەكەن مايعازيەۆ توپتىڭ قۇرىلۋىندا ۇلتتىق قۇندىلىقتاردى دەرٸپتەۋ يدەياسى ماڭىزدى بولعانىن اتاپ ٶتتٸ.
"مۋزارت" دەگەن نامىستان جارالعان توپ. ولاي دەيتٸنٸمٸز تەك انا تٸلٸندە ەن شىرقايتىن ەنشٸلەردٸڭ باسىن بٸرٸكتٸرۋ تۋرالى الدىمىزعا ماقسات قويىلدى", – دەدٸ ول.
"قۇدالار سىرعا ەكەلەدٸ": تۇرسىنبەك قاباتوۆتىڭ قىزى قۋانىشتى حابارىن جەتكٸزدٸ
"مۋزارت" توبى تۋرالى نە بەلگٸلٸ?
"مۋزارت" – قازاق ەستراداسىندا ٶزٸندٸك ورنى بار, حالىقتىڭ ىستىق ىقىلاسىنا بٶلەنگەن تانىمال مۋزىكالىق توپتاردىڭ بٸرٸ. ۇجىم 2001 جىلى قۇرىلىپ, ۇلتتىق ەن ٶنەرٸن ناسيحاتتاۋعا جەنە قازاق تٸلٸندەگٸ شىعارمالاردى كەڭٸنەن تانىتۋعا باعىتتالعان.
توپتىڭ العاشقى قۇرامىندا مەيرامبەك بەسپاەۆ, سەكەن مايعازيەۆ جەنە ماقسات بازارباەۆ ٶنەر كٶرسەتتٸ. ٷش ەنشٸنٸڭ داۋىس ەرەكشەلٸكتەرٸ مەن ورىنداۋشىلىق مەنەرلەرٸ ٷيلەسٸپ, "مۋزارتتىڭ" ٶزٸندٸك مۋزىكالىق ستيلٸن قالىپتاستىردى.
ۇجىم قۇرىلعان العاشقى جىلداردان باستاپ تىڭدارمانداردىڭ نازارىن اۋدارىپ, قىسقا ۋاقىت ٸشٸندە قازاق ەستراداسىنداعى تانىمال توپتاردىڭ قاتارىنا قوسىلدى. ەسٸرەسە حالىق ەندەرٸن جاڭاشا ورىنداۋى, ليريكالىق شىعارمالاردى ەسەرلٸ جەتكٸزۋٸ جەنە ۇلتتىق مۋزىكالىق دەستٷردٸ ساقتاۋى كٶرەرمەندەردٸڭ ىقىلاسىنا يە بولدى.

"مۋزارت" رەپەرتۋارىنداعى "سەنٸڭ كٶزٸڭ", "ٶز ەلٸم", "قۇداشا", "اسىل جارىم" جەنە باسقا دا ەندەر كٶپشٸلٸككە كەڭٸنەن تانىلدى. ۇجىمنىڭ شىعارمالارىندا تۋعان جەرگە دەگەن سٷيٸسپەنشٸلٸك, ماحاببات, دوستىق, ادامگەرشٸلٸك جەنە ۇلتتىق قۇندىلىقتار تاقىرىبى ەرەكشە ورىن الادى.
توپتىڭ قۇرىلۋ تاريحى دا قىزىقتى وقيعالارعا تولى. باستاپقىدا مەيرامبەك بەسپاەۆ پەن ماقسات بازارباەۆ دۋەت رەتٸندە ٶنەر كٶرسەتۋدٸ جوسپارلاعان. كەيٸن ٷش ادامنان تۇراتىن توپ قۇرۋ يدەياسى تۋىنداپ, ٷشٸنشٸ ەنشٸ رەتٸندە سايات مەدەۋوۆتٸڭ ەسٸمٸ قاراستىرىلعان. الايدا اقىلداسا كەلە, ۇجىمعا تەنور داۋىستى ەنشٸ قاجەت دەگەن شەشٸمگە كەلٸپ, سەكەن مايعازيەۆتٸ شاقىرعان.
"مۋزارت" شىعارماشىلىق جولىندا قازاقستاننىڭ كٶپتەگەن ٶڭٸرٸندە كونتسەرت ٶتكٸزٸپ, شەتەل ساحنالارىندا دا ٶنەر كٶرسەتتٸ. توپتىڭ تانىمالدىعى ونىڭ مٷشەلەرٸنٸڭ جەكە شىعارماشىلىق جولىنا دا ىقپال ەتتٸ.
كەيٸنگٸ جىلدارى مەيرامبەك بەسپاەۆ, سەكەن مايعازيەۆ جەنە ماقسات بازارباەۆ جەكە جوبالارىمەن دە اينالىسىپ, مۋزىكا مەن مەدەنيەت سالاسىنداعى قىزمەتٸن جالعاستىردى.
شيرەك عاسىرعا جۋىق تاريحى بار "مۋزارت" قازاق تٸلٸندەگٸ ەندەردٸ دەرٸپتەپ, بٸرنەشە بۋىن تىڭدارماننىڭ سٷيٸكتٸ مۋزىكالىق ۇجىمىنا اينالدى. توپتىڭ ورىنداۋىنداعى كٶپتەگەن شىعارمالار بٷگٸندە دە كونتسەرتتەردە, مەرەكەلٸك كەشتەردە جەنە تٷرلٸ مەدەني ٸس-شارالاردا شىرقالىپ كەلەدٸ.