Týrizm jáne sport ministri Erbol Myrzabosynov Ortalyq kommýnikatsiialar qyzmetinde ótken brifingte ulttyq sport túrleriniń halyqaralyq deńgeide damýy týraly aitty, dep habarlaidy ult.kz.
Ministrdiń aitýynsha, qazaq kúresin jabyq ǵimarattaǵy Aziia oiyndarynyń baǵdarlamasyna engizý jóninde ótinish berilgen. Osy másele boiynsha jýyrda Qazaqstanǵa Aziia Olimpiada keńesiniń bas hatshysy keledi.
«Qazirgi tańda elimizde 11 ulttyq sport túri bar. Búginde qazaq kúresi men toǵyzqumalaqtan álemniń 50-den astam elinde federatsiialar qurylǵan. Jýyrda Qazaqstanǵa Aziia Olimpiada keńesiniń bas hatshysy keledi. Biz qazaq kúresin jabyq ǵimarattaǵy Aziia oiyndarynyń baǵdarlamasyna engizý jóninde ótinish berdik. Toǵyzqumalaq sporty da elimizde jáne halyqaralyq deńgeide qarqyndy damyp keledi. Bul sport túrinen álem jáne Aziia chempionattary turaqty túrde ótkizilip júr. Aldaǵy ýaqytta toǵyzqumalaqty da halyqaralyq keshendi sport jarystarynyń baǵdarlamasyna engizýge kúsh salamyz», – dedi ministr.