Қазақстанда жеңіл электромобильдердің саны тұрақты өсіп келеді. 2026 жылғы 1 маусымдағы жағдай бойынша елімізде 24 634 жеңіл электромобиль тіркелген, деп хабарлайды ult.kz.
Ресми мәліметке сәйкес, бұл көрсеткіш өткен жылмен салыстырғанда 55,6%-ға артқан. 2025 жылғы осы кезеңде Қазақстанда 15 835 жеңіл электромобиль есепте тұрған.
Электромобильдердің басым бөлігі Алматы қаласында тіркелген. Қалада 15 280 электромобиль бар, бұл еліміздегі барлық электромобильдің 62%-ын құрайды.
Электромобиль саны бойынша көшбасшы өңірлердің алғашқы үштігіне:
- Алматы қаласы – 15 280;
- Астана қаласы – 2 885;
- Алматы облысы – 1 589 электромобиль кірді.
Жалпы, электромобильдер Қазақстанның барлық өңірінде тіркелгенімен, олардың таралуы біркелкі емес.
Ең төмен көрсеткіш Абай облысында, мұнда 78 электромобиль тіркелген. Ал Ұлытау облысында небәрі 41 электромобиль есепке алынған.
