Qazaqstanda jeńil elektromobilderdiń sany turaqty ósip keledi. 2026 jylǵy 1 maýsymdaǵy jaǵdai boiynsha elimizde 24 634 jeńil elektromobil tirkelgen, dep habarlaidy ult.kz.
Resmi málimetke sáikes, bul kórsetkish ótken jylmen salystyrǵanda 55,6%-ǵa artqan. 2025 jylǵy osy kezeńde Qazaqstanda 15 835 jeńil elektromobil esepte turǵan.
Elektromobilderdiń basym bóligi Almaty qalasynda tirkelgen. Qalada 15 280 elektromobil bar, bul elimizdegi barlyq elektromobildiń 62%-yn quraidy.
Elektromobil sany boiynsha kóshbasshy óńirlerdiń alǵashqy úshtigine:
- Almaty qalasy – 15 280;
- Astana qalasy – 2 885;
- Almaty oblysy – 1 589 elektromobil kirdi.
Jalpy, elektromobilder Qazaqstannyń barlyq óńirinde tirkelgenimen, olardyń taralýy birkelki emes.
Eń tómen kórsetkish Abai oblysynda, munda 78 elektromobil tirkelgen. Al Ulytaý oblysynda nebári 41 elektromobil esepke alynǵan.
