2026 жылғы қазанда Қазақстанда 172,2 мың автокөлік құралы есепке қойылды. Оның басым бөлігі жеңіл автомобильдер, деп хабарлайды ult.kz Қазақстан Республикасы Ішкі істер министрлігінің деректеріне сілтеме жасап.
Есепке қойылған көліктердің ішінде:
- жеңіл автомобильдер – 153,8 мың;
- жүк автомобильдері – 9,9 мың;
- автобустар – 1,3 мың;
- мотоциклдер – 0,8 мың;
- тіркемелер – 4,6 мың;
- өзге де көлік құралдары – 1,8 мың.
2026 жылғы 1 қарашадағы жағдай бойынша Қазақстанда тіркелген көлік құралдарының жалпы саны 6 млн 140,7 мың бірлікке жеткен.
Оның 83,9%-ы – жеңіл автомобильдер, 8,1%-ы – жүк көліктері, 4,3%-ы – тіркемелер, 1,5%-ы – автобустар, 1,2%-ы – мотоциклдер. Қалған 1%-ы өзге көлік құралдарына тиесілі.
Қазақстандықтар қандай отын түрін пайдаланады?
Тіркелген көліктердің басым бөлігі бензинмен жүреді. Олардың үлесі – 79,9%. Ал 7,5%-ы дизель отынын пайдаланады. Аралас отынмен жүретін көліктердің үлесі 6,5%-ды құраған. Газбен жүретін автомобильдердің үлесі – 0,4%.
Сонымен қатар елде электр қуатымен жүретін 43 056 көлік тіркелген. Бұл жалпы көлік санының 0,7%-ына тең.
Электромобильдер ең көп тіркелген өңірлер:
- Алматы қаласы – 22 065;
- Астана қаласы – 3 662;
- Алматы облысы – 3 120;
- Ақмола облысы – 1 805.
Осылайша, Қазақстандағы электромобильдердің жартысынан астамы Алматы қаласында тіркелген.