2026 jylǵy qazanda Qazaqstanda 172,2 myń avtokólik quraly esepke qoiyldy. Onyń basym bóligi jeńil avtomobilder, dep habarlaidy ult.kz Qazaqstan Respýblikasy Ishki ister ministrliginiń derekterine silteme jasap.
Esepke qoiylǵan kólikterdiń ishinde:
- jeńil avtomobilder – 153,8 myń;
- júk avtomobilderi – 9,9 myń;
- avtobýstar – 1,3 myń;
- mototsiklder – 0,8 myń;
- tirkemeler – 4,6 myń;
- ózge de kólik quraldary – 1,8 myń.
2026 jylǵy 1 qarashadaǵy jaǵdai boiynsha Qazaqstanda tirkelgen kólik quraldarynyń jalpy sany 6 mln 140,7 myń birlikke jetken.
Onyń 83,9%-y – jeńil avtomobilder, 8,1%-y – júk kólikteri, 4,3%-y – tirkemeler, 1,5%-y – avtobýstar, 1,2%-y – mototsiklder. Qalǵan 1%-y ózge kólik quraldaryna tiesili.
Qazaqstandyqtar qandai otyn túrin paidalanady?
Tirkelgen kólikterdiń basym bóligi benzinmen júredi. Olardyń úlesi – 79,9%. Al 7,5%-y dizel otynyn paidalanady. Aralas otynmen júretin kólikterdiń úlesi 6,5%-dy quraǵan. Gazben júretin avtomobilderdiń úlesi – 0,4%.
Sonymen qatar elde elektr qýatymen júretin 43 056 kólik tirkelgen. Bul jalpy kólik sanynyń 0,7%-yna teń.
Elektromobilder eń kóp tirkelgen óńirler:
- Almaty qalasy – 22 065;
- Astana qalasy – 3 662;
- Almaty oblysy – 3 120;
- Aqmola oblysy – 1 805.
Osylaisha, Qazaqstandaǵy elektromobilderdiń jartysynan astamy Almaty qalasynda tirkelgen.