Қазақстан Тәуелсіздігіне 25 жыл

Qazaqstanda 20 myń teńgege DNQ test tapsyrýǵa bolady

Qazaqstanda 20 myń teńgege DNQ test tapsyrýǵa bolady
ashyq derekkóz

Qazaqstanda aǵzanyń tuqym qýalaityn erekshelikteri men belgili bir aýrýlarǵa beiimdiligin anyqtaýǵa múmkindik beretin genetikalyq testileý qyzmeti iske qosyldy. Jańa qyzmet 17 qarashadan bastap Freedom SuperApp qosymshasynda qoljetimdi boldy, dep habarlaidy ult.kz.

DNQ testi arqyly neni bilýge bolady?

Freedom ókilderi jańa servistiń iske qosylǵanyn 17 qarashada ótken Freedom Talk tanystyrylymynda málimdedi.

Freedom LifeStyle Group bas direktory Aleksei Lidiń aitýynsha, bastapqy kezeńde genetikalyq testileý densaýlyqqa qatysty máselelerge baǵyttalady.

Atap aitqanda, paidalanýshylar tuqym qýalaityn qaýipter, zat almasý erekshelikteri, tamaqtaný men fizikalyq júktemege qatysty aqparat ala alady.

Aldaǵy ýaqytta kompaniia servistiń múmkindikterin keńeitýdi josparlap otyr. Genetikalyq derekter bazasy ulǵaiǵan saiyn DNQ sáikestigi arqyly týystardy izdeý fýnktsiiasyn engizý kózdelgen.

«Testileýden ótken adamdar kóbeigen saiyn, onyń ishinde alys týystardy da tabý yqtimaldyǵy artady», – dedi Aleksei Li.

Testileýden qalai ótýge bolady jáne baǵasy qansha?

Zertteýden ótý úshin zerthanaǵa óz betinshe barýdyń qajeti joq.

Arnaiy silekei jinaý jiyntyǵyna Freedom SuperApp qosymshasy arqyly tapsyrys berýge bolady. Jiyntyqta biologiialyq úlgini saqtaýǵa arnalǵan tútikter men arnaiy eritindi bolady.

Kompaniianyń baspasóz qyzmetiniń málimetinshe, tapsyrysty halyqaralyq DHL logistikalyq kompaniiasynyń kýreri jetkizedi.

Silekei úlgisin jinaǵannan keiin paidalanýshy kýrerdi qaita shaqyryp, daiyn úlgini zertteýge tapsyrýy kerek.

Genetikalyq taldaý nátijeleri qosymshada qoljetimdi bolady.

DNQ testiniń quny – 20 myń teńge.

DNQ testi aýrýdy anyqtai ala ma?

Kompaniia ókilderi genetikalyq zertteý nátijelerin meditsinalyq diagnoz retinde qabyldaýǵa bolmaitynyn arnaiy atap ótti.

«Aita ketý kerek, DNQ testileri diagnoz bolyp sanalmaidy jáne tipti meditsinalyq aqparat sanatyna da jatpaidy», – dep túsindirdi Aleksei Li.

Onyń aitýynsha, mundai zertteýler belgili bir aýrýlarǵa tuqym qýalaityn beiimdilik týraly aqparat beredi. Alaida adamnyń sol aýrýmen aýyratynyn rastamaidy.

Qosymshada zerthanalyq taldaýlar da qoljetimdi bolady

Sonymen qatar Freedom qosymshadaǵy meditsinalyq qyzmetter tizimin keńeitip jatyr.

Endi Freedom SuperApp arqyly zerthanalyq taldaýlarǵa da tapsyrys berýge bolady. Servistiń alǵashqy seriktesi – INVIVO zerthanalar jelisi.

Aleksei Lidiń aitýynsha, jaqyn ýaqytta jobaǵa taǵy eki iri zerthanalar jelisin qosý josparlanyp otyr.

Buǵan deiin qosymsha paidalanýshylaryna dáriger qabyldaýyna jazylý múmkindigi berilgen.

Osylaisha, paidalanýshylar genetikalyq testileý, zerthanalyq zertteýler jáne basqa da meditsinalyq qyzmetterdi bir qosymsha arqyly paidalana alady.

Álemde genetikalyq testileý qalai damydy?

Tutynýshylarǵa arnalǵan DNQ testileri 2000 jyldan bastap paida bola bastady. Bul baǵyttaǵy alǵashqy kompaniialardyń qatarynda britandyq Oxford Ancestors pen amerikalyq FamilyTreeDNA boldy.

Keiin halyqaralyq naryqqa 23andMe, AncestryDNA jáne MyHeritage servisteri shyqty. Olar paidalanýshylardyń genetikalyq derekterinen iri bazalar qalyptastyrdy.

2025 jyldyń sońyna qarai AncestryDNA kompaniiasynyń klientter sany 29 millionǵa jetken.

Degenmen bul salanyń damýy jeke derekterdiń taralyp ketý jaǵdailarymen de qatar júrdi.

2023 jyly 23andMe kompaniiasynyń 7 millionǵa jýyq klientiniń derekteri taralyp ketkeni belgili boldy. Al 2025 jyly kompaniia bankrottyq týraly jariialap, keiin jańa iesine satyldy.