2026 جىلعى قازاندا قازاقستاندا 172,2 مىڭ اۆتوكٶلٸك قۇرالى ەسەپكە قويىلدى. ونىڭ باسىم بٶلٸگٸ جەڭٸل اۆتوموبيلدەر, دەپ حابارلايدى ult.kz قازاقستان رەسپۋبليكاسى ٸشكٸ ٸستەر مينيسترلٸگٸنٸڭ دەرەكتەرٸنە سٸلتەمە جاساپ.
ەسەپكە قويىلعان كٶلٸكتەردٸڭ ٸشٸندە:
- جەڭٸل اۆتوموبيلدەر – 153,8 مىڭ;
- جٷك اۆتوموبيلدەرٸ – 9,9 مىڭ;
- اۆتوبۋستار – 1,3 مىڭ;
- موتوتسيكلدەر – 0,8 مىڭ;
- تٸركەمەلەر – 4,6 مىڭ;
- ٶزگە دە كٶلٸك قۇرالدارى – 1,8 مىڭ.
2026 جىلعى 1 قاراشاداعى جاعداي بويىنشا قازاقستاندا تٸركەلگەن كٶلٸك قۇرالدارىنىڭ جالپى سانى 6 ملن 140,7 مىڭ بٸرلٸككە جەتكەن.
ونىڭ 83,9%-ى – جەڭٸل اۆتوموبيلدەر, 8,1%-ى – جٷك كٶلٸكتەرٸ, 4,3%-ى – تٸركەمەلەر, 1,5%-ى – اۆتوبۋستار, 1,2%-ى – موتوتسيكلدەر. قالعان 1%-ى ٶزگە كٶلٸك قۇرالدارىنا تيەسٸلٸ.
قازاقستاندىقتار قانداي وتىن تٷرٸن پايدالانادى?
تٸركەلگەن كٶلٸكتەردٸڭ باسىم بٶلٸگٸ بەنزينمەن جٷرەدٸ. ولاردىڭ ٷلەسٸ – 79,9%. ال 7,5%-ى ديزەل وتىنىن پايدالانادى. ارالاس وتىنمەن جٷرەتٸن كٶلٸكتەردٸڭ ٷلەسٸ 6,5%-دى قۇراعان. گازبەن جٷرەتٸن اۆتوموبيلدەردٸڭ ٷلەسٸ – 0,4%.
سونىمەن قاتار ەلدە ەلەكتر قۋاتىمەن جٷرەتٸن 43 056 كٶلٸك تٸركەلگەن. بۇل جالپى كٶلٸك سانىنىڭ 0,7%-ىنا تەڭ.
ەلەكتروموبيلدەر ەڭ كٶپ تٸركەلگەن ٶڭٸرلەر:
- الماتى قالاسى – 22 065;
- استانا قالاسى – 3 662;
- الماتى وبلىسى – 3 120;
- اقمولا وبلىسى – 1 805.
وسىلايشا, قازاقستانداعى ەلەكتروموبيلدەردٸڭ جارتىسىنان استامى الماتى قالاسىندا تٸركەلگەن.