10 маусым күні қазақстандық автомобиль компаниясы Allur жетекшілік ететін MG бренді Алматыда жаңа форматтағы тест-драйв ұйымдастырды. Автоквест, экстремалды сынақтар, дрифт және MG RX9 флагмандық моделінің тікұшақпен әсерлі жеткізілуі қамтылған шараға шамамен 80 БАҚ өкілі, блогерлер мен медиа тұлғалар қатысты. Нәтижесінде іс-шара көліктердің тек сыртқы келбетін ғана емес, олардың мүмкіндіктерін де жан-жақты көрсеткен нағыз шоуға айналды.
Барлығы MG дилерлік орталығында басталды. Мұнда қонақтарға брендтің толық модельдік қатары – MG 5, MG ZS және MG HS таныстырылды. Тест-драйвтың негізгі алаңына жол тартқан қатысушылар MG брендіне арналған интерактивті викторинаға қатысты. Автокөліктер, технологиялар және марка тарихы туралы сұрақтар сапарды қызықты етіп қана қоймай, қонақтардың бренд философиясымен тереңірек танысуына мүмкіндік берді.
Алғашқы шақырымдардан-ақ көліктер өз мүмкіндіктерін көрсете бастады. MG 5 қаланың қарқынды қозғалысында өзін сенімді сезінді: жеңіл руль, маневрге жедел әрекет ету және жүрістің жұмсақтығы бұл седанды күнделікті пайдалануға барынша ыңғайлы етті. MG ZS әмбебаптығы мен ептілігін дәлелдеп, қала көшелерінде де, тасжолда да жақсы нәтижеге қол жеткізді. Ал MG HS жоғары деңгейдегі дыбыс оқшаулауы, серпінді қозғалысы және премиум жайлылық сезімімен ерекшеленді.
Алайда іс-шараның басты тосынсыйы қатысушыларды СТК «Сокол» аумағында күтті.
Автокөліктер колоннасы алаңға жеткен сәтте аспанда кенеттен тікұшақ пайда болды. Қанаттарының гуілі мен ондаған камераның назарында флагмандық MG RX9 моделі әуеден әсерлі түрде жеткізілді. Жеті орындық кроссовердің осындай ерекше таныстырылымы үлкен халықаралық автокөрмелердегі көріністі еске түсіріп, шараның ең жарқын сәттерінің біріне айналды.
RX9 моделінің әсерлі көрсетілімінен кейін тест-драйв нағыз экшенге ұласты.
Дрифт алаңында MG көліктері экстремалды жағдайда сыналды. Күрт бағыт ауыстыру, жоғары жылдамдықтағы бұрылыстар, бақыланатын сырғанау және аспаның жұмысын көрсету арқылы қатысушылар көліктердің тұрақтылығы мен басқарылуын өз көздерімен көрді. Агрессивті жүргізу режиміне қарамастан, модельдер басқару дәлдігін және жолмен сенімді байланысын сақтап қалды.
Қонақтардың ерекше назарын MG RX9 аударды. Көпшілік үшін күтпегендей, көлемді жеті орындық кроссовер қуаттылық пен жайлылықтан бөлек, жоғары басқарылу қасиеттерін де көрсетті. Автокөлік күрделі трасса элементтерінен сенімді өтіп, күрт маневрлер кезінде де қозғалыс жұмсақтығы мен тұрақтылығын сақтады.
Сынақтың соңғы кезеңі жолсыз жерде өтті. Мұнда MG кроссоверлері өздерінің тағы бір қырын танытты. Аспаның тиімді жұмысы, өтімділігі және күрделі рельефтен сенімді өту қабілеті бренд көліктерінің тек қалада ғана емес, күрделі жол жағдайларында да жақсы нәтиже көрсете алатынын дәлелдеді.
MG бұл жолы қарапайым тест-драйв өткізумен шектелген жоқ. Бренд көліктермен танысуды технология, драйв, интерактив және жарқын эмоцияларды біріктірген ерекше шоуға айналдырды. Қонақтардың әсеріне қарағанда, бұл шара автомобиль индустриясындағы маусымның ең айтулы оқиғаларының бірі болды.
MG туралы толығырақ ақпаратты ресми сайттан немесе 3388 нөмірі арқылы білуге болады.
