Қазақстанда 16 жасқа толмаған балалардың әлеуметтік желілерде тіркелуіне тыйым салу ұсынылып отыр. Қазіргі уақытта бұл норма Үкімет деңгейінде талқылану сатысында, деп хабарлайды ult.kz.
Мәдениет және ақпарат вице-министрі Евгений Кочетовтың айтуынша, тиісті түзетулер пакеті әзірленген. Онда балалардың онлайн-платформаларда тіркелуін шектеу, сондай-ақ онлайн-коучтар мен психологтардың қызметін реттеу мәселелері қарастырылған.
Вице-министр бұл бастаманың халықаралық тәжірибеге негізделгенін атап өтті. Оның сөзінше, мұндай шектеулер бірқатар елдерде, соның ішінде Австралия мен Еуропаның бірнеше мемлекетінде талқыланып жатыр.
Қазір негізгі мәселе - жасын растау тетіктерін анықтау. Заң жобасы әлі Парламентке енгізілген жоқ, құжат әзірлену және келісу сатысында.
