Qazaqstanda 16 jasqa tolmaǵan balalardyń áleýmettik jelilerde tirkelýine tyiym salý usynylyp otyr. Qazirgi ýaqytta bul norma Úkimet deńgeiinde talqylaný satysynda, dep habarlaidy ult.kz.
Mádeniet jáne aqparat vitse-ministri Evgenii Kochetovtyń aitýynsha, tiisti túzetýler paketi ázirlengen. Onda balalardyń onlain-platformalarda tirkelýin shekteý, sondai-aq onlain-koýchtar men psihologtardyń qyzmetin retteý máseleleri qarastyrylǵan.
Vitse-ministr bul bastamanyń halyqaralyq tájiribege negizdelgenin atap ótti. Onyń sózinshe, mundai shekteýler birqatar elderde, sonyń ishinde Avstraliia men Eýropanyń birneshe memleketinde talqylanyp jatyr.
Qazir negizgi másele - jasyn rastaý tetikterin anyqtaý. Zań jobasy áli Parlamentke engizilgen joq, qujat ázirlený jáne kelisý satysynda.
