14 маусымда Қазақстан Республикасы Мәдениет және ақпарат министрлігінің қолдауымен Роза Бағланова атындағы «Қазақконцерт» мемлекеттік академиялық концерттік ұйымында «GULDER» ансамблінің «EXPERIENCE №4: Паванадан қазақ вальсіне дейінгі дәуірлер диалогы» концерт-дәрісі өтті, деп хабарлайды ult.kz.
Жоба – көрермендерді бірнеше ғасырды қамтитын би мәдениетінің даму тарихымен таныстырып, әр дәуірдің эстетикалық ерекшеліктерін, сахналық пластикасын көрсетті.
Фото: Қазақконцерт
Концерттік бағдарламада павана, менуэт, полонез, вальс, танго, латино және қазақ вальсіне сияқты әртүрлі би жанрлары сахналанды.
«EXPERIENCE №4» жобасының авторлары – Халықаралық байқаулардың лауреаты, “Гүлдер” ансамблінің бас балетмейстері Анвара Садықова мен "Гүлдер" ансамблінің педагог-хореографы Дана Қуанышбекова.
Іс-шараға «GULDER» ансамблінің әртістері, “Дарын” мемлекеттік жастар сыйлығының лауреаты Әлібек Әлмадиев, эстрада әншісі Айсұлу Жак, Халықаралық байқаулардың лауреаттары Нұрай Шеру, Батыржан Смақов, өнертану докторы Мадина Капеу-Коханова, Қазақ ұлттық хореография академиясының студенттері, сондай-ақ «SAMGA» квартеті қатысты.
«EXPERIENCE №4: Паванадан қазақ вальсіне дейінгі дәуірлер диалогы» концерт-дәрісі би өнерінің ғасырлар бойғы эволюциясын, ұлттық және әлемдік мәдениеттер арасындағы байланысты көрсеткен бірегей жоба.
Фото: Қазақконцерт
Фото: Қазақконцерт
Фото: Қазақконцерт
