14 maýsymda Qazaqstan Respýblikasy Mádeniet jáne aqparat ministrliginiń qoldaýymen Roza Baǵlanova atyndaǵy «Qazaqkontsert» memlekettik akademiialyq kontserttik uiymynda «GULDER» ansambliniń «EXPERIENCE №4: Pavanadan qazaq valsine deiingi dáýirler dialogy» kontsert-dárisi ótti, dep habarlaidy ult.kz.
Joba – kórermenderdi birneshe ǵasyrdy qamtityn bi mádenietiniń damý tarihymen tanystyryp, ár dáýirdiń estetikalyq erekshelikterin, sahnalyq plastikasyn kórsetti.
Foto: Qazaqkontsert
Kontserttik baǵdarlamada pavana, menýet, polonez, vals, tango, latino jáne qazaq valsine siiaqty ártúrli bi janrlary sahnalandy.
«EXPERIENCE №4» jobasynyń avtorlary – Halyqaralyq baiqaýlardyń laýreaty, “Gúlder” ansambliniń bas baletmeisteri Anvara Sadyqova men "Gúlder" ansambliniń pedagog-horeografy Dana Qýanyshbekova.
Is-sharaǵa «GULDER» ansambliniń ártisteri, “Daryn” memlekettik jastar syilyǵynyń laýreaty Álibek Álmadiev, estrada ánshisi Aisulý Jak, Halyqaralyq baiqaýlardyń laýreattary Nurai Sherý, Batyrjan Smaqov, ónertaný doktory Madina Kapeý-Kohanova, Qazaq ulttyq horeografiia akademiiasynyń stýdentteri, sondai-aq «SAMGA» kvarteti qatysty.
«EXPERIENCE №4: Pavanadan qazaq valsine deiingi dáýirler dialogy» kontsert-dárisi bi óneriniń ǵasyrlar boiǵy evoliýtsiiasyn, ulttyq jáne álemdik mádenietter arasyndaǵy bailanysty kórsetken biregei joba.
Foto: Qazaqkontsert
Foto: Qazaqkontsert
Foto: Qazaqkontsert
