2023 жылдан бері Қазақстан нарығында ұсынылған қытайлық GAC автомобиль бренді енді Allur компаниясының портфеліне өтеді.
Allur Қазақстандағы GAC маркасының ресми дистрибьюторы атанып, Қостанайдағы өз зауытында GAC автокөліктерінің өндірісін іске қосты. Брендтің дамуының жаңа кезеңі қазақстандық сатып алушылар үшін автокөліктердің қолжетімділігін арттыруға, жеткізу мерзімін қысқартуға және еліміз бойынша дилерлік желіні кеңейтуге мүмкіндік береді.
«Біз Қазақстанның әлеуетін жоғары бағалаймыз. Allur автомобиль компаниясымен серіктестік орнату, қазіргі команданы сақтау және өндірісті жергіліктендіру – брендтің одан әрі дамуының заңды қадамы. GAC-тың Toyota және Honda компанияларымен 25 жылдан астам ынтымақтастығы өз өндірістік мәдениетін және жоғары сапа стандарттарын қалыптастыруға мүмкіндік берді. Біз Қазақстанды стратегиялық әрі ұзақ мерзімді нарық ретінде қарастырамыз. Сондықтан ынтымақтастықты кезең-кезеңімен кеңейтіп, жергіліктендіру деңгейін арттырып, брендтің дамуына алдағы көптеген жылдар бойы инвестиция салуды жоспарлап отырмыз», – деді GAC International өңірлік директоры Дуань Шу.
2026 жылдың маусым айынан бастап GAC автокөліктері Қостанайдағы Allur зауытының конвейерінен шыға бастады. Өндірісті жергіліктендіру қазақстандық сатып алушылар үшін көліктердің қолжетімділігін арттырып, жеткізу мерзімін қысқартады және дилерлік желіні кеңейтуге жол ашады.
GAC брендіне тән басты ерекшеліктердің бірі – көпжылдық өндірістік тәжірибесі мен әлемдік автокөлік индустриясымен тығыз ықпалдастығы. GAC – 70 жылдан астам тарихы бар автомобиль бренді. Компания жетекші халықаралық автоконцерндермен ширек ғасырдан астам уақыт бойы серіктестік орнатып келеді. Toyota және Honda компанияларымен ынтымақтастық өндірістік мәдениетті, сапаны бақылау жүйесін және инженерлік әлеуетті қалыптастыруда маңызды рөл атқарды.
1998 жылы GAC Honda компаниясымен бірлескен кәсіпорын құрып, өндіріс, менеджмент және сапаны бақылаудың үздік тәжірибелеріне қол жеткізді. Ал 2004 жылы Toyota компаниясымен стратегиялық серіктестік басталып, Гуанчжоуда Toyota Camry моделінің өндірісі іске қосылды. Бұл компанияның жаппай және орта-премиум сегментіндегі позициясын нығайтты. Бүгінде GAC пен жапондық автоконцерндердің серіктестік тарихы 25 жылдан асады.
Қазақстандық тұтынушы үшін бұл – брендтің инженерлік және технологиялық базасы халықаралық көпжылдық тәжірибеге негізделгенінің дәлелі. GAC автокөліктерінде әлемдік деңгейде сыналған шешімдер мен компоненттер пайдаланылады. Атап айтқанда, AISIN автоматты беріліс қораптары, Toyota және Honda компанияларымен бірлескен тәжірибе негізінде әзірленген қозғалтқыш технологиялары, BorgWarner Haldex толық жетек жүйесі, сондай-ақ Bosch, Denso және Huawei сияқты жетекші жеткізушілердің электрондық жүйелері қолданылады.
Жергіліктендірудің қандай артықшылықтары бар?
Қазақстандық тұтынушылар үшін GAC өндірісінің жергіліктендірілуі бағаның қолжетімді болуына, жеткізу мерзімінің қысқаруына және автокөліктердің елдің барлық өңірінде кеңінен ұсынылуына мүмкіндік береді. Қостанайдағы өндіріс логистиканы оңтайландырып қана қоймай, дилерлік желіні автокөліктермен және қосалқы бөлшектермен жедел қамтамасыз етуге жол ашады.
Қазіргі таңда қазақстандық сатып алушыларға GAC брендінің бес моделі ұсынылған:
GAC GS3 кроссовері;
GAC GS4 Max кроссовері;
GAC GS8 кроссовері;
GAC Empow спорттық седаны;
GAC M8 бизнес-минивэні.
Жақын арада модельдік қатар жаңа гибридті GAC S7 кроссоверімен толықпақ. Бұл өз сегментіндегі ең технологиялық ұсыныстардың бірі болады.
Жергіліктендірілген GAC автокөліктерінің бағасы:
GAC GS3 – 8 990 000 теңгеден;
GAC Empow – 9 990 000 теңгеден;
GAC GS4 Max – 10 990 000 теңгеден;
GAC GS8 – 15 490 000 теңгеден;
GAC M8 – 17 490 000 теңгеден.
Бүгінде GAC-тың Қазақстандағы дилерлік желісі 8 қаладағы 12 дилерлік орталықтан тұрады. Қазіргі команданың бір бөлігі Allur дистрибуциясында жұмысын жалғастырады. Жыл соңына дейін бренд өз қатысу аясын едәуір кеңейтіп, еліміздің жаңа өңірлерін қамтуды жоспарлап отыр.
GAC Group туралы
GAC International әлемнің 70-тен астам елінде жұмыс істейді және Қытайдан тыс жерде 650-ден астам дилерлік орталыққа ие. Компания жаңа буын технологияларын белсенді дамытып келеді. Олардың қатарында тиімділігі 46 пайыздан асатын гибридті күштік қондырғылар, қауіпсіз Magazine Battery 2.0 аккумуляторлары және интеллектуалды мобильділік шешімдері бар.
GAC бүгінде болашақ көлік технологияларын да дамытуда. Компания сағатына 250 шақырым жылдамдыққа жететін, бір қуатпен 200 шақырымға дейін ұша алатын және небәрі 30 минутта қайта қуатталатын Govy AirJet пилотсыз электрлі аэромобилін таныстырды.
GAC Қазақстанды Орталық Азиядағы негізгі нарықтардың бірі әрі өңірдегі брендті одан әрі дамытудың маңызды алаңы ретінде қарастырады.
