2023 jyldan beri Qazaqstan naryǵynda usynylǵan qytailyq GAC avtomobil brendi endi Allur kompaniiasynyń portfeline ótedi.
Allur Qazaqstandaǵy GAC markasynyń resmi distribiýtory atanyp, Qostanaidaǵy óz zaýytynda GAC avtokólikteriniń óndirisin iske qosty. Brendtiń damýynyń jańa kezeńi qazaqstandyq satyp alýshylar úshin avtokólikterdiń qoljetimdiligin arttyrýǵa, jetkizý merzimin qysqartýǵa jáne elimiz boiynsha dilerlik jelini keńeitýge múmkindik beredi.
«Biz Qazaqstannyń áleýetin joǵary baǵalaimyz. Allur avtomobil kompaniiasymen seriktestik ornatý, qazirgi komandany saqtaý jáne óndiristi jergiliktendirý – brendtiń odan ári damýynyń zańdy qadamy. GAC-tyń Toyota jáne Honda kompaniialarymen 25 jyldan astam yntymaqtastyǵy óz óndiristik mádenietin jáne joǵary sapa standarttaryn qalyptastyrýǵa múmkindik berdi. Biz Qazaqstandy strategiialyq ári uzaq merzimdi naryq retinde qarastyramyz. Sondyqtan yntymaqtastyqty kezeń-kezeńimen keńeitip, jergiliktendirý deńgeiin arttyryp, brendtiń damýyna aldaǵy kóptegen jyldar boiy investitsiia salýdy josparlap otyrmyz», – dedi GAC International óńirlik direktory Dýan Shý.
2026 jyldyń maýsym aiynan bastap GAC avtokólikteri Qostanaidaǵy Allur zaýytynyń konveierinen shyǵa bastady. Óndiristi jergiliktendirý qazaqstandyq satyp alýshylar úshin kólikterdiń qoljetimdiligin arttyryp, jetkizý merzimin qysqartady jáne dilerlik jelini keńeitýge jol ashady.
GAC brendine tán basty erekshelikterdiń biri – kópjyldyq óndiristik tájiribesi men álemdik avtokólik indýstriiasymen tyǵyz yqpaldastyǵy. GAC – 70 jyldan astam tarihy bar avtomobil brendi. Kompaniia jetekshi halyqaralyq avtokontserndermen shirek ǵasyrdan astam ýaqyt boiy seriktestik ornatyp keledi. Toyota jáne Honda kompaniialarymen yntymaqtastyq óndiristik mádenietti, sapany baqylaý júiesin jáne injenerlik áleýetti qalyptastyrýda mańyzdy ról atqardy.
1998 jyly GAC Honda kompaniiasymen birlesken kásiporyn quryp, óndiris, menedjment jáne sapany baqylaýdyń úzdik tájiribelerine qol jetkizdi. Al 2004 jyly Toyota kompaniiasymen strategiialyq seriktestik bastalyp, Gýanchjoýda Toyota Camry modeliniń óndirisi iske qosyldy. Bul kompaniianyń jappai jáne orta-premiým segmentindegi pozitsiiasyn nyǵaitty. Búginde GAC pen japondyq avtokontsernderdiń seriktestik tarihy 25 jyldan asady.
Qazaqstandyq tutynýshy úshin bul – brendtiń injenerlik jáne tehnologiialyq bazasy halyqaralyq kópjyldyq tájiribege negizdelgeniniń dáleli. GAC avtokólikterinde álemdik deńgeide synalǵan sheshimder men komponentter paidalanylady. Atap aitqanda, AISIN avtomatty berilis qoraptary, Toyota jáne Honda kompaniialarymen birlesken tájiribe negizinde ázirlengen qozǵaltqysh tehnologiialary, BorgWarner Haldex tolyq jetek júiesi, sondai-aq Bosch, Denso jáne Huawei siiaqty jetekshi jetkizýshilerdiń elektrondyq júieleri qoldanylady.
Jergiliktendirýdiń qandai artyqshylyqtary bar?
Qazaqstandyq tutynýshylar úshin GAC óndirisiniń jergiliktendirilýi baǵanyń qoljetimdi bolýyna, jetkizý merziminiń qysqarýyna jáne avtokólikterdiń eldiń barlyq óńirinde keńinen usynylýyna múmkindik beredi. Qostanaidaǵy óndiris logistikany ońtailandyryp qana qoimai, dilerlik jelini avtokóliktermen jáne qosalqy bólshektermen jedel qamtamasyz etýge jol ashady.
Qazirgi tańda qazaqstandyq satyp alýshylarǵa GAC brendiniń bes modeli usynylǵan:
GAC GS3 krossoveri;
GAC GS4 Max krossoveri;
GAC GS8 krossoveri;
GAC Empow sporttyq sedany;
GAC M8 biznes-miniveni.
Jaqyn arada modeldik qatar jańa gibridti GAC S7 krossoverimen tolyqpaq. Bul óz segmentindegi eń tehnologiialyq usynystardyń biri bolady.
Jergiliktendirilgen GAC avtokólikteriniń baǵasy:
GAC GS3 – 8 990 000 teńgeden;
GAC Empow – 9 990 000 teńgeden;
GAC GS4 Max – 10 990 000 teńgeden;
GAC GS8 – 15 490 000 teńgeden;
GAC M8 – 17 490 000 teńgeden.
Búginde GAC-tyń Qazaqstandaǵy dilerlik jelisi 8 qaladaǵy 12 dilerlik ortalyqtan turady. Qazirgi komandanyń bir bóligi Allur distribýtsiiasynda jumysyn jalǵastyrady. Jyl sońyna deiin brend óz qatysý aiasyn edáýir keńeitip, elimizdiń jańa óńirlerin qamtýdy josparlap otyr.
GAC Group týraly
GAC International álemniń 70-ten astam elinde jumys isteidi jáne Qytaidan tys jerde 650-den astam dilerlik ortalyqqa ie. Kompaniia jańa býyn tehnologiialaryn belsendi damytyp keledi. Olardyń qatarynda tiimdiligi 46 paiyzdan asatyn gibridti kúshtik qondyrǵylar, qaýipsiz Magazine Battery 2.0 akkýmýliatorlary jáne intellektýaldy mobildilik sheshimderi bar.
GAC búginde bolashaq kólik tehnologiialaryn da damytýda. Kompaniia saǵatyna 250 shaqyrym jyldamdyqqa jetetin, bir qýatpen 200 shaqyrymǵa deiin usha alatyn jáne nebári 30 minýtta qaita qýattalatyn Govy AirJet pilotsyz elektrli aeromobilin tanystyrdy.
GAC Qazaqstandy Ortalyq Aziiadaǵy negizgi naryqtardyń biri ári óńirdegi brendti odan ári damytýdyń mańyzdy alańy retinde qarastyrady.
