Белуджистанда автобус апатынан 40 адам қаза тауып, сегізі жарақат алды, деп хабарлайды ult.kz.
Қайғылы оқиға жұма күні болған. Пешаварға бағыт алған автобус Белуджистан провинциясындағы Шерани округіне қарасты Дханасар ауданынан шыққаннан кейін және Дера Исмаил Хан аймағы арқылы Хайбер-Пахтунхва шекарасынан өткен соң бірден шатқалға құлаған.
Белуджистан - Таяу Шығыс пен Оңтүстік Азияның қиылысындағы Пәкістан, Иран және Ауғанстан арасында бөлінген ауқымды тарихи аймақ. Жергілікті халық - белудждердің құрметіне аталған. Ең үлкен және ресурстарға бай (газ, алтын, мыс), бірақ Пәкістанның ең аз дамыған провинциясы, оның аумағының 44% -ын қамтиды.
Алғашқы мәліметтерді Белуджистан бас министрінің БАҚ және саяси мәселелер жөніндегі көмекшісі Шахид Ринд жариялаған. Кейін бұл ақпаратты KP Rescue 1122 құтқару қызметі де растады. Құтқару қызметінің дерегінше, апат кезінде автобуста 48 жолаушы болған.
